បាត់ឈឹងលើវិថីសិល្បៈ អ៊ីងអ៊ីង ប្រែសម្រស់ប្លែកខ្លាំង ស្អាតដូចតុក្កតា Barbie

រយៈពេលប៉ុន្មានឆ្នាំចុងក្រោយនេះ តារាសម្តែងដ៏ស្រស់សោភាកញ្ញា អ៊ីងអ៊ីង ហាក់ផ្តាច់ខ្លួនលើវិថីសិល្បៈទាំងស្រុង ដោយក្នុងនោះគេបានដឹងថានាងកំពុងតែជាថៅកែហាងកែសម្ផស្សមួយកន្លែងក្នុងទីក្រុងភ្នំពេញ។

បើទោះជាមិនបានដើរលើវិថីសិល្បៈដូចមុនក៏ពិតមែន ប៉ុន្តែកញ្ញា អ៊ីងអ៊ីង នៅតែត្រូវបានមហាជនចាប់ក្រសែភ្នែកតាមដានជីវិតប្រចាំថ្ងៃរបស់កញ្ញាផងដែរ ជាពិសេសនោះគឺរាល់រូបភាពដែលអតីតតារាស្រីរូបនេះបង្ហោះលើផេកហ្វេសប៊ុកផ្លូវការរបស់ខ្លួននោះ។

ជាការពិត ពីមួយឆ្នាំទៅមួយឆ្នាំ កញ្ញា អ៊ីងអ៊ីង រមែងធ្វើឱ្យមហាជនអ្នកគាំទ្រលាន់មាត់សរសើរពីរូបសម្រស់របស់នាងមិនដែលដាច់ ក៏ព្រោះតែ អ៊ីងអ៊ីង ហាក់កាន់តែស្រស់ស្អាតទៅៗ។ ជាងនេះទៅទៀត ក្រឡេកទៅមើលជីវិតឯកជនរបស់ អ៊ីងអ៊ីង ក៏មើលទៅហាយសូរខ្លាំងថែមទៀតផង។

ជាក់ស្តែង ថ្មីៗនេះកៀកដល់ថ្ងៃកំណើតរបស់ខ្លួន កញ្ញា អ៊ីងអ៊ីង បានបង្ហោះរូបថ្មីជាច្រើនសន្លឹក ធ្វើឱ្យអ្នកលេងបណ្តាញសង្គមហ្វេសប៊ុកជាច្រើនចូលទៅបញ្ចេញមតិសរសើរព្រោតព្រាត ថានាងពិតជាស្រស់ស្អាតខ្លាំង។ មិនតែប៉ុណ្ណោះ រូបភាពគ្រប់សន្លឹករបស់ អ៊ីងអ៊ីង ស្អាតឥតខ្ចោះប្រៀបដូចនឹងតុក្កតា Barbie៕