Twopee ទម្លាយច្បាស់ៗបែបនេះ មហាជនកាន់តែជឿជាក់ថា លោក និង Ploy កំពុងទាក់ទងគ្នាពិតមែន

កាលពីពេលថ្មីៗនេះ មហាជនកំពុងតែតាមដានមើលតារាស្រី Ploy chermarn ស្ទើរមិនដាក់ភ្នែកឡើយ ក្រោយមិត្តជំនិតរបស់នាងម្នាក់បានទម្លាយថា ខណនេះ ស្រីស្រស់រូបនេះនៅ Single  ។

យ៉ាងណាមិញ ទន្ទឹមនឹងបេះដូងកំពុងតែទំនេរ ស្រាប់តែថ្មីៗនេះ មហាជនបែរជាផ្ទុះការសង្ស័យថា តារាស្រី Ploy កំពុងបង្កាត់ភ្លើងស្នេហ៍ជាមួយតារាចម្រៀងរ៉េប Twopee ក្រោយលេចរូបភាពផ្អែមល្ហែម ស្និទ្ធស្នាលជាច្រើនសន្លឹកជាមួយគ្នាកន្លងមក រហូតធ្វើឱ្យមហាជនឃើញហើយជ្រួលច្របល់ចង់ដឹងការពិតថា តើអ្នកទាំពីរគ្រាន់តែជាមិត្ត ឬយ៉ាងណា? ដោយម្នាក់ៗចង់ឱ្យតារាស្រីប្រុសគូនេះមានការបកស្រាយឱ្យកាន់តែច្បាស់ ដើម្បីស្រាយនូវមន្ទិល និង ពាក្យចចាមអារ៉ាម។

ទន្ទឹមនឹងមហាជនទទូចចង់ដឹងពីការពិតនូវទំនាក់ទំនងរបស់អ្នកទាំងភ្លាម ស្រាប់តែពេលនេះតារាចម្រៀងរ៉េប Twopee បានចេញមុខបកស្រាយហើយ ដែលធ្វើឱ្យអ្នកគាំទ្របើកភ្នែកធំៗ។ តារាប្រុស Twopee បានទម្លាយថា ៖ «ខ្ញុំបានស្គាល់ជាមួយ Ploy យូរណាស់មកហើយ  ខ្ញុំចូលចិត្តនាងតាំងតែខ្ញុំនៅក្មេងម៉្លេះ Ploy ជាមនុស្សស្រីម្នាក់ដែលស្រស់ស្អាត  ហើយមួយរយៈនេះខ្ញុំបានជួបគ្នាញឹកញាប់ផងដែរ ព្រោះយើងមានមិត្តភក្តិរាប់អានក្នុងក្រុមតែមួយ។ ជាការពិត ខ្ញុំពេលនេះនៅទំនេរ ហើយក៏មិនបានបិទបេះដូងខ្លួនឯងដែរ ខ្ញុំចង់មានពេលវេលាស្វែងយល់ពីគ្នា និង មើលថែគ្នា តែលក្ខណៈជាមិត្ភភក្តិសិន។ លើសពីនោះ ខ្ញុំក៏ចង់មានស្នេហា និង មានគ្រួសារដូចគេដែរ»៕