(វីដេអូ) កប់សារី! នីកូ ចំណាយលុយជិត ៣ ម៉ឺនដុល្លារលើការផលិត MV បទ «រាំរង្វើល»
ខណៈពិធីបុណ្យចូលឆ្នាំថ្មីប្រពៃណីជាតិខ្មែរកាន់តែខិលជិតចូលមកដល់ តារាចម្រៀងប្រុសរូបសង្ហា នីកូ ក៏កំពុងមមាញឹកខ្លាំងក្នុងការផលិតបទចម្រៀងថ្មីៗ និង សម្រុកថត MV បទចម្រៀង ដើម្បីត្រៀមស្វាគមន៍ឆ្នាំថ្មី ក៏ដូចជាបញ្ចេញស្នាដៃថ្មីៗជូនដល់ទស្សនិកជនបានរាំលេងកម្សាន្តសប្បាយជួបជុំក្រុមគ្រួសារ សាច់ញាតិ បងប្អូននៅតាមបណ្ដាស្រុកកំណើត។
ក្នុងការស្វាគមន៍ពិធីបុណ្យចូលឆ្នាំខ្មែរ ២០២៣ នេះ នីកូ បានត្រៀមកាដូបទចម្រៀងថ្មីជូនអ្នកគាំទ្រក្រោមចំណងជើង «រាំរង្វើល» ដែលបានលាយឡំបញ្ចូលទាំងចង្វាក់ភ្លេងទាំងបុរាណ និង សម័យ ព្រមទាំងមានរបាំជាច្រើនប្រភេទរំលេចក្នុង MV មួយនេះ។
យ៉ាងណារឿងដែលភ្ញាក់ផ្អើល បើតាមការបង្ហើបពីប្រុសសង្ហា នីកូ បានឱ្យដឹងថា MV បទ «រាំរង្វើល» នេះ លោកចំណាយអស់ជិត ៣ ម៉ឺនដុល្លារឯណោះ បើរាប់បញ្ចូលទាំងការប្រម៉ូដ ការរៀបចំតុបតែងលម្អ សម្លៀកបំពាក់ និង ការចំណាយផ្សេងៗទៀត។ សូមចុចទីនេះដើម្បីទស្សនាវីដេអូ ៖
រូបភាព៖ Fb Nico mrcookies
