ផ្ទុះការចាប់អារម្មណ៍! ស្រីស្អាតម្នាក់ធ្លាប់តែជាហ្វេន ឥលូវសម្រេចបំណងក្លាយជាអ្នករាំឱ្យឧកញ៉ា ខេមរៈ សេរីមន្ត
ថ្មីៗនេះ ស្រីស្អាតមួយដែលត្រូវបានគេស្គាល់ឈ្មោះថា «GiiZanako Gaming» ជាអ្នករាំរបស់កំពូលតារាចម្រៀងជាច្រើនដូចជា ឧកញ៉ា ខេមរៈ សេរីមន្ត និង អ្នកនាង ពេជ្រ សោភា ជាដើមនោះ កំពុងត្រូវបានមហាជនក្នុងបណ្ដាញសង្គម Tiktok ជាច្រើនកំពុងផ្ទុះការចាប់អារម្មណ៍ជាខ្លាំង ដោយសារតែក្បាច់រាំដ៏រស់រវើក អត្តចរិតក្រមិចក្រមើម និង សម្រស់ដ៏ស្រស់ស្អាតរបស់នាង។
យ៉ាងណាមិញ ថ្មីៗនេះយោងតាមគណនី Tiktok ផ្ទាល់ខ្លួនរបស់ស្រីស្អាតរូបនេះ បានបង្ហោះពីវីដេអូក្រោយឆាក ដែលខ្លួនបាននៅក្បែរឧកញ៉ា ខេមរៈ សេរីមន្ត ដែលលោកកំពុងតែត្រៀមឡើងទៅសម្ដែងលើឆាក ព្រមទាំងបានជជែកគ្នាលេងជាមួយថា «លោកក្មេងទៅៗហើយ»។
មិនតែប៉ុណ្ណោះ នាងក៏បានរៀបរាប់នៅក្នុង Caption បន្ថែមថា៖ «ហ្វេនតាំងពីតូចៗ ឥឡូវបានរាំឱ្យអាយដល»។ ពិតណាស់ នេះគឺជាក្ដីស្រមៃដែលអ្នកគាំទ្រសិល្បករនានា មិនថាក្នុងស្រុក ឬក្រៅប្រទេសនោះទេ គឺតែងស្រមៃសឹងគ្រប់គ្នា ដោយថាថ្ងៃណាមួយពួកគេនឹងបាននៅក្បែរ និង ធ្វើការជាមួយនឹងអាយដលក្នុងដួងចិត្តរបស់ពួកគេ៕
ចង់ជ្រាបកាន់តែច្បាស់ សូមចុច (១) និង (២) ខាងក្រោមដើម្បីទស្សនាវីដេអូ
