ក្ដៅគគុក! ធ្លាយព័ត៌មានថា Park Bogum សង្ស័យថានឹងចុះកុងត្រាក្នុងផលិតកម្មរួមទ្រនំជាមួយ BTS
កាលពីថ្ងៃទី ២២ ខែធ្នូ ឆ្នាំ២០២២ កន្លងទៅនេះ លោក Park Bogum ដែលជាតារាសម្ដែងជួរមុខប្រចាំប្រទេសកូរ៉េ បានចាកចេញពីផលិតកម្ម Blossom ដែលជាទ្រនំធ្លាប់ជ្រកជាង ១០ ឆ្នាំកន្លងទៅនេះ ប៉ុន្តែមកដល់សព្វថ្ងៃនេះ ពុំទាន់មានព័ត៌មានជាក់លាក់ណាមួយថា តារាប្រុសរូបនេះនឹងចូលផលិតកម្មណាបន្ទាប់ឡើយ។
យ៉ាងណាមិញ កាលពីដើមខែមករា ឆ្នាំ២០២៣ កន្លងទៅនេះ លោកមានចចាមអារ៉ាមថានឹងចុះកុងត្រា ជាសិល្បករក្រោមផលិតកម្ម YG ប៉ុន្តែខាងភ្នាក់ងារបានបដិសេធភ្លាមៗពីព័ត៌មានមួយនេះ។
ដោយឡែក អ្វីដែលកាន់តែគួរឱ្យចាប់អារម្មណ៍នោះគឺ នៅថ្ងៃទី ២៥ ខែមករា នេះ ក៏មានព័ត៌មានលេចឮទៀតថា កំពូលតារាសម្តែង Park Bogum បច្ចុប្បន្ន កំពុងពិភាក្សាជាមួយនឹង HYBE Labels ដែលសជាផលិតកម្មរួមទ្រនំជាមួយនឹងក្រុមចម្រៀង BTS សម្រាប់កិច្ចព្រមព្រៀងមួយ។
ទោះជាយ៉ាងនេះក្ដី ទាំងនេះគ្រាន់តែជាពាក្យចចាមអារ៉ាមតែប៉ុណ្ណោះ ពុំទាន់មានភាគីខាងណាចេញមុខបកស្រាយនោះឡើយ។ រីឯព័ត៌មានលម្អិតទៅជាយ៉ាងណា មានតែតាមដានបន្តទៀត៕