Baifern បង្ហើបយ៉ាងផ្អែមថា នាង និង Nine ចាប់ផ្ដើមល្អូកល្អិនលឿនលើសការរំពឹងទុក
មួយរយៈចុងក្រោយនេះ ចំណងស្នេហ៍រវាងតារាស្រីរាងតូចច្រឡឹង Baifern និង អ្នកកំលោះ Nine Naphat កាន់តែបើកចំហ និង ផ្អែមល្ហែមម្តងបន្តិចម្តងៗ ពិសេស ខណៈលេចរូបភាពផ្អែមល្ហែមរបស់អ្នកទាំងពីរនៅក្រៅប្រទេសភ្លាម ពិតធ្វើឱ្យអ្នកគាំទ្រមិនតិចនោះទេលួចច្រណែន។
អ្វីដែលសំខាន់ ក្រោយត្រឡប់មកពីដើរលេងនៅក្រៅប្រទេសភ្លាម តារាប្រុស Nine Naphat ក៏ធ្លាប់បង្ហើបពីអារម្មណ៍ និង ទំនាក់ទំនងស្នេហ៍រវាងលោក និង តារាស្រី Baifern ម្តងរួចមកហើយកាលពីពេលកន្លងទៅ។
ដោយឡែកថ្មីៗនេះ តារាស្រីរាងតូចច្រឡឹង Baifern បានចេញមុខទម្លាយអារម្មណ៍ផ្ទាល់ខ្លួនវិញម្តង ដោយនាងបានទម្លាយថា ពេលនេះនាងចាប់ផ្តើមនិយាយជាមួយគ្នានូវពាក្យផ្អែមល្ហែមជាងមុនបន្តិចហើយ។ មួយវិញទៀត នាងក៏បានបង្ហើបទៀតថា ទំនាក់ទំនងពេលនេះវាលើសពីអ្វីដែលនាងរំពឹងទុកណាស់ ព្រោះនាង និង Nine Naphat មិនដែលគិតថា នឹងរំកិលទំនាក់ទំនងពីមិត្តមកជាមនុស្សដែលកំពុងតែសិក្សាមើលចិត្តគ្នាបែបនេះឡើយ៕