ចំណងស្នេហ៍ ម៉ៃយ៉ា និង សង្សារ Tom Boy កាន់តែផ្អែមឡើងរាល់ថ្ងៃ ថែមទាំងមានជំនួញដ៏រឹងមាំរួមគ្នា

មហាជននិយមតាមដានជីវិតឯកជនរបស់តារាស្រីកូនកាត់អាល្លឺម៉ង់ កញ្ញា ម៉ៃយ៉ា ពាក់ព័ន្ធនឹងរឿងរ៉ាវស្នេហារបស់នាងបានដឹងមកហើយថា តារាស្រីរូបនេះបានសម្រេចចិត្តធីបចោលស្នេហារបស់បុរសៗ ហើយធ្វើតាមបេះដូងដោយជ្រើសយកស្នេហាភេទដូចគ្នាយ៉ាងបើកចំហមិនលាក់លៀម។

គិតមកដល់ពេលនេះ រយៈពេលជាច្រើនឆ្នាំមកហើយ ដែលចំណងស្នេហ៍ស្រី និង ស្រី របស់កញ្ញា ម៉ៃយ៉ា បានវេញយ៉ាងស្អិតល្មួត ដោយនាង និង គូស្នេហ៍បានរួមរស់ក្រោមដំបូលតែមួយមិនខុសពីប្តីប្រពន្ធទូទៅឡើយ ហើយថែមទាំងបានហៅគូស្នេហ៍ភេទដូចគ្នាថាជាប្តីប្រពន្ធពេញៗមាត់ទៀតផង។ លើសពីនោះ ចំណងស្នេហ៍អ្នកទាំង ២ ក៏ត្រូវបានដឹងឮពីចាស់ទុំនៃគ្រួសារទាំងសងខាងថែមទៀតផង។

ជាការពិត ពីមួយឆ្នាំទៅមួយឆ្នាំចំណងស្នេហ៍ភេទដូចគ្នារបស់តារាស្រីកូនកាត់អាល្លឺម៉ង់ ម៉ៃយ៉ា កាន់តែធ្វើឱ្យមហាជនជាច្រើនសរសើរ និង មានកូនចិត្តលួចច្រណែនមិនតិចនោះទេ ពីសុភមង្គល និង ភាពរីកចម្រើនរបស់ ម៉ៃយ៉ា និង គូស្នេហ៍។ ក្នុងនោះ ក្រៅពីការរកចំណូលលើអាជីពសិល្បៈ កញ្ញា ម៉ៃយ៉ា ក៏មានរបរលក់ផលិតផលថែសម្រស់តាមអនឡាញផងដែរ។ រីឯគូស្នេហ៍របស់នាងវិញ ក៏សស្រាក់សស្រាំណាស់ដែរ ក្នុងការរកស៊ីក្នុងនាមជាថៅកែដោយមានទាំងហាងអាហារ និង ហាងលក់គ្រឿងអលង្ការកាឡៃ៕