បទចម្រៀង «BONG» ដែលជាបទរបស់តារារ៉េប វណ្ណដា សហការច្រៀងរួមគ្នាជាមួយនឹងតារាចម្រៀងរ៉េបថៃលោក OG Bobby ត្រូវបានក្រុមតន្រ្តីមួយក្រុម យកទៅច្រៀងឡើងវិញ ជាមួយភ្លេងបែបអកកាដង់ ព្រមទាំងមានក្បាច់រាំ ពីអ្នករាំអមពីក្រោមយ៉ាងរស់រវើក ធ្វើឱ្យអ្នកទស្សនាទទួលបានអារម្មណ៍មួយថ្មីប្លែក។
យ៉ាងណាមិញ បទចម្រៀងដែលបានច្រៀងឡើងវិញនោះ បានបកស្រាយដោយក្រុមតន្រ្តី អានី និង បានបង្ហោះចូលទៅក្នុងគណនីបណ្ដាញសង្គម Facebook មួយមានឈ្មោះថា ORKES HDTV កាលពីថ្ងៃទី ១៦ ខែមករា ឆ្នាំ ២០២៣ កន្លងទៅ ហើយកំពុងតែទទួលបានការចែករំលែកបន្តយ៉ាងព្រោងព្រាតពីសំណាក់មហាជន។
ដោយឡែក បើគិតមកដល់ពេលនេះ រយៈពេលត្រឹមតែជាង ១ សប្ដាហ៍បន្ទាប់ពីបង្ហោះមក គេឃើញថា បទចម្រៀង «BONG» version បែបថ្មីនេះ ទទួលបានការចាប់អារម្មណ៍យ៉ាងខ្លាំង ដោយមានអ្នកចុច React រាប់ម៊ឺននាក់ ឯណោះ៕
រីករាយសណ្ដាប់ និង ទស្សនាវីដេអូខាងក្រោម៖