ខួបកំណើតអាយុ ៣១ ឆ្នាំរបស់គូស្នេហ៍ Mark ពួតដៃជាមួយ Nadech លេងឈុតធំធ្វើឱ្យ Kim គាំងបានសម្រេច
កាលពីថ្ងៃទី ២២ ខែមករា ឆ្នាំ ២០២៣ កន្លងទៅនេះ គឺជាថ្ងៃខួបកំណើតកំពូលតារាសម្ដែងស្រីប្រចាំស្ថានីយទូរទស្សន៍ប៉ុស្តិ៍លេខ ៣ ថៃ Kimberley ក្នុងនោះគេឃើញមានមហាជនអ្នកគាំទ្រជាច្រើនបានចេញបង្ហោះសារជូនពរពាសពេញបណ្ដាញសង្គមហ្វេសប៊ុក។
ដោយឡែក ងាកទៅមើលអ្នកកំលោះ Mark Prin វិញ នៅថ្ងៃខួបកំណើតសង្សារបណ្ដូលចិត្តលោកបាន Surprise ឈុតធំ ដោយបានបន្លំខ្លួនជាតួសម្ដែងជាមួយ Kim ដោយមានការសហការនឹងអ្នកកំលោះ Nadech រហូតធ្វើឱ្យការ Surprises ទទួលបានជោគជ័យ រីឯ Kim វិញរំភើបចិត្តញញឹមបិទមាត់មិនជិត។
មិនត្រឹមតែមានការ Surprise នៅកន្លែងថតហើយ អ្នកកំលោះរូបសង្ហា Mark Prin ក៏បានចេញមកបង្ហោះរូបភាពផ្អែមល្ហែម និង ពោលពាក្យជូនពរយ៉ាងមានន័យទៅកាន់ Kim ថា ៖ «រីករាយថ្ងៃកំណើតមនុស្សជាទីស្រឡាញ់របស់បង សូមឱ្យមានសេចក្ដីសុខណា ឆ្នាំនេះត្រូវតែឆ្នាំល្អបំផុតសម្រាប់អូន Kimberley»។ ទន្ទឹមនឹងនេះ គេក៏ឃើញតារាស្រី Kimberley បានចូលទៅបញ្ចេញមតិទៅវិញថា ៖ «ម្ចាស់បេះដូងអូន»៕
