សំណាងមនុស្សស្រីបានជួបប្ដីល្អ! កុល ដាវី ពោលសរសើរ សុខ រក្សា ពេញៗមាត់

ចាប់តាំងពីចាប់ដៃគ្នាជាប្ដីប្រពន្ធមក តារាសម្ដែង កុល ដាវី និង លោក សុខ រក្សា តែងបង្ហាញពីក្ដីស្រឡាញ់ចំពោះគ្នាបង្ហោះនៅលើបណ្ដាញសង្គមជារឿយៗ ជាពិសេសចាប់តាំងពីពួកគេទាំងពីរទទួលបានកូនស្រីជាកាដូអាពាហ៍ពិពាហ៍មក ជីវិតគ្រួសារតូចរបស់អ្នកសិល្បៈមួយគូនេះ កាន់តែពេញដោយសុភមង្គល។

គ្រួសារទទួលបានក្ដីសុខយ៉ាងពេញបរិបូរនេះ តារាសម្ដែង កុល ដាវី បានបង្ហើបថា គឺនាងទទួលបានពីស្វាមីជាទីស្រឡាញ់ ដោយកន្លងមកលោក សុខ រក្សា តែងបំពេញតួនាទីជាប្ដី និង ជាប៉ាដ៏ល្អ មើលថែប្រពន្ធកូនយ៉ាងដិតដល់បំផុត។

ក្នុងនោះ កុល ដាវី បានរៀបរាប់សរសើរស្វាមីដោយមិនលាក់លៀមបង្ហោះលើគណនីហ្វេសប៊ុកថា ៖ «អរគុណប្តីសម្លាញ់ តែងតែផ្តល់ភាពកក់ក្តៅឱ្យអូន និង កូនជាទីស្រឡាញ់របស់យើង មិនថាថ្ងៃពិសេស ឬថ្ងៃធម្មតា បងតែងនៅក្បែររហូត អូនស្រឡាញ់បងណាស់ប្តីដ៏ល្អរបស់អូន»៕