ណុប បាយ៉ារិទ្ធ ដើរលេងចាយជីវិតនៅលីវយ៉ាងស្រស់ស្រាយនៅ ឌូបៃ

តារាចម្រៀងប្រុសដ៏ល្បីល្បាញ ណុប បាយ៉ារិទ្ធ នៅតែធ្វើឱ្យទស្សនិកជនអ្នកគាំទ្រជាច្រើន ពេញចិត្តចំពោះវត្តមានរបស់លោកនៅក្នុងវិថីសិល្បៈ ជាពិសេសគឺវត្តមានតារាប្រុសរូបនេះបង្ហាញខ្លួនជាគណៈកម្មការក្នុងកម្មវិធីប្រឡងចម្រៀងលំដាប់ពិភពលោក។

គិតមកដល់ពេលនេះ លោក ណុប បាយ៉ារិទ្ធ បានចំណាយពេលពេលាប្រឡូកក្នុងវិស័យសិល្បៈរាប់ខែឆ្នាំមកហើយ ធ្វើឱ្យភាពល្បីល្បាញរបស់លោកកាន់តែសាយភាយដល់ទស្សនិកជនចាស់ក្មេងស្រឡាញ់ចូលចិត្ត។

ដោយឡែកបើក្រឡេកទៅមើលជីវិតឯកជនវិញ មកដល់វ័យ ៤១ ឆ្នាំហើយ ណុប បាយ៉ារិទ្ធ នៅមិនទាន់គិតគូបង្ហើបដំរួយរឿងចូលរោងការនៅទេ ដោយលោករស់នៅចាយជីវិតនៅលីវយ៉ាងរីករាយ និង ហ៊ឺហារមិនធម្មតា។

ជាក់ស្ដែងថ្មីៗនេះ តារាចម្រៀងសាច់សខ្ចីដូចបណ្ដូលចេកខាងលើ បានហោះហើរទៅទីក្រុងឌូបៃ ប្រទេសអារ៉ាប់រួម ដើរលេងចាយជីវិតយ៉ាងអភិជន ទៅកន្លែងល្បីៗនៅទីក្រុងដ៏ទំនើបស៊ីវិល័យមួយនេះ ញ៉ាំអាហារប្រណីតៗ បង្ហាញភាពហ៊ឺហារគួរឱ្យសរសើរ៕