បងថ្លៃល្អ! ជាសាច់ថ្លៃនឹងគ្នាមែនពិត តែ Chompoo ប្រាប់ត្រង់ៗបែបនេះ ទៅកាន់ Patricia

ចាប់តាំងពីភ្ជាប់ចំណងអាពាហ៍ពិពាហ៍ជាប្តីប្រពន្ធជាមួយគ្នាមក តារាស្រី Patricia និង ស្វាមីហាយសូហាក់សម្ងំខ្លួនមិនសូវបង្ហាញមុខជាញឹកញាប់ដូចពីមុនឡើយ រហូតអ្នកគាំទ្រសង្ឃឹមថានឹងទទួលបានដំណឹងល្អឆាប់ៗ ព្រោះមុនរៀបការអ្នកទាំងពីរក៏បានបង្ហើបថា ចង់មានកូនឆាប់ៗផងដែរ។

លើសពីនេះទៅទៀតនោះ ខណៈដែលចំណងស្វាមីភរិយារបស់អ្នកទាំងពីរកាន់តែផ្អែមល្ហែមទៅៗ បើងាកទៅមើលពីគ្រួសារ បងថ្លៃប្រុសស្រីរបស់តារាស្រី Patricia ឯណោះវិញ ក៏ស្រឡាញ់ ស្និទ្ធស្នាល និង ឱ្យតម្លៃដល់តារាស្រី Patricia ដូចសាច់ឈាមបង្កើតអ៊ីចឹង។

មួយវិញទៀត អ្វីដែលមហាជនទ្រាំមិនសរសើរមិនបាននោះគឺ បើទោះបីជាមុន ឬ ក្រោយរៀបការក៏ដោយ តែ Patricia ក៏បានបង្ហើបថា បងថ្លៃស្រីរបស់នាង Chompoo នៅតែចិត្តបានជាមួយនាង ហើយតែងប្រាប់នាងគ្រប់ពេលថា ប្រសិនបើជាមានបញ្ហាអ្វី ឬចង់សួរអ្វី អាចសួរបាន តែនាងខ្លួនឯងទេ ដែលខ្លាចចិត្តមិនដឹងប្រឹក្សាអ្វី តែនាងជឿថា នាពេលអនាគតក៏ជៀសមិនផុតពីប្រឹក្សាជាមួយបងថ្លៃមិនរួចនោះទេ៕