ផ្ទុះការសង្ស័យកាន់តែខ្លាំង Billkin កំពុងតែមានទំនាក់ទំនងស្និទ្ធស្នាលលើសពីមិត្ត ជាមួយនឹងតារាស្រីរូបនេះ
កាលពីពេលថ្មីៗនេះ ពិតជាធ្វើឱ្យមហាជនផ្ទុះមានការចាប់អារម្មណ៍ជាខ្លាំងសម្រាប់ទំនាក់ទំនងតារាសម្ដែងស្រីស្រស់ Junei និង តារាសម្ដែងប្រុសរូបសង្ហា Billkin ដោយមានព័ត៌មានលេចឮថាតារាស្រីប្រុសគូនេះកំពុងតែមានទំនាក់ទំនងលើសពីមិត្តភក្តិឈានដល់ការលួចបង្កាត់ភ្លើងស្នេហ៍ក្រៅឆាកជាមួយគ្នា។
គេចាំបានថា កាលពីកន្លងទៅ តារាស្រីប្រុសគូនេះធ្លាប់ដៃគូសម្ដែងរឿងជាមួយគ្នា ក្នុងរឿង «One Year» ក្នុងផលិតកម្ម GDH ក្រោយមក មហាជនហាក់សង្កេតឃើញថា Billkin និង Junei កាន់តែមានភាពស្និទ្ធស្នាលជាមួយគ្នាខ្លាំង។
ងាកទៅមើលតារាស្រី Junei វិញក្រោយពីមានព័ត៌មានចចាមអារាមនេះឡើង កាលពីថ្ងៃទី ០៦ ខែធ្នូ ឆ្នាំ ២០២២ កន្លងទៅ នាងបានចេញមុខមកបកស្រាយច្បាស់ៗតាមរយៈសារព័ត៌មានក្នុងស្រុកថា ៖ «នាង និង តារាប្រុស Billkin ធ្លាប់សម្ដែងរួមគ្នាក្នុងរឿង «One Year» ក្នុងផលិតកម្ម GDH ហើយក៏ក្លាយជាមិត្តភក្តិជំនាន់ជាមួយគ្នា ជាអ្នកស្គាល់ម្នាក់ដែលតែងនៅក្បែរគ្នា ក្រោយមកក៏បានរួមការងារធ្វើបទចម្រៀង (ស្រឡាញ់ខ្លួនឯងពេលនៅជាមួយអូន) ជាមួយគ្នាទៀត។ សម្រាប់ទំនាក់ទំនងរវាងអ្នកទាំងពីរគឺមិនមានអ្វីលើសពីមិត្តភក្តិឡើយ។ សរុបមកនាង និង តារាប្រុស Billkin ត្រឹមជាមិត្តនឹងគ្នាតែប៉ុណ្ណោះ»៕