អភិជនណាស់! គ្រាន់រទេះរុញកូនដើរលេង គូស្នេហ៍ Bin-Jin ចាយខ្ទង់ពាន់ដុល្លារទិញពី Mercedes
គូស្នេហ៍តារាកូរ៉េដ៏ល្បីប្រចាំភាពយន្តរឿង «Crash Landing On You» តារាប្រុស Hyun Bin និង តារាស្រី Son Ye Jin កាលពីខែវិច្ឆិកា ឆ្នាំ ២០២២ កន្លងទៅ បានស្វាគមន៍កំណើតកូនប្រុសដំបូងរបស់ពួកគេហើយ ដោយមានការអបអរពីសំណាក់អ្នកគាំទ្រ និង មិត្តសិល្បកររួមអាជីពជាច្រើន។
ដោយឡែកថ្មីៗនេះទៀតសោត មហាជនម្នាក់ បានទម្លាយរឿងមួយរបស់គូស្នេហ៍ Bin-Jin នេះ ដែលរូបគេបានដឹងដោយចៃដន្យ។ តាមការបញ្ជាក់របស់មហាជនរូបនោះ បានលើកឡើងថា រូបគេបានទៅមើលរទេះរុញកូនក្មេងដែលជារបស់ក្រុមហ៊ុនអាល្លឺម៉ង់ Hartan សហការគ្នាជាមួយ Mercedes-AMG។
នៅពេលនោះហើយដែលមហាជនរូបនោះ ដឹងតាមអ្នកលក់ប្រាប់មកថា តារាសម្ដែងស្រី Honey Lee និង Son Ye Jin ក៏ទិញរទេះរុញក្មេង របស់ម៉ាកតែមួយនេះដែរ។ ក្នុងនោះ រទេះដែល Son Ye Jin ទិញនោះ ត្រូវបានឱ្យដឹងថា ជាប្រភេទ limitd edition ដែលផលិតឡើងត្រឹម ២៩៩ ប៉ុណ្ណោះលើពិភពលោក ហើយចំពោះតម្លៃវិញគឺរហូតដល់ ១ ១០០ អឺរ៉ូ (ប្រមាណ ១ ១៥១ ដុល្លារ)៕
