YCN Rakhie ម្ចាស់បទ «007» ដើរចេញពីមណ្ឌលប្រឡងធម្មតា តែអ្នកគាំទ្រយក Lyric បទមកខមមិនលេងព្រាត

មហាជននិយមចូលចិត្តបទចម្រៀងរ៉េប Hip-Hop មួយចំនួនច្បាស់ជាបានស្គាល់ហើយ YCN Rakhie សមាជិកក្រុម La Cima និង ជាម្ចាស់បទ «007» ដែលជាបទកំពុងតែពេញនិយមពាសពេញបណ្ដាញសង្គម ព្រមទាំងឮសឹងគ្រប់ Pubs ឬ ភោជនីយដ្ឋាននានាក្នុងប្រទេសកម្ពុជា។

យ៉ាងណាមិញ កាលពីថ្ងៃទី ៥ និង ៦ ខែធ្នូ ឆ្នាំ ២០២២ កន្លងទៅ ការប្រឡងសញ្ញាបត្រមធ្យមសិក្សាទុតិយភូមិឆ្នាំ ២០២១-២០២២ បានប្រព្រឹត្តទៅនៅទូទាំងរាជធានី-ខេត្ត នៅក្នុងប្រទេសកម្ពុជា។ ក្នុងនោះផងដែរ ក្នុងចំណោមបេក្ខជនប្រឡងទាំងអស់ គេក៏សង្កេតឃើញមានតារាចម្រៀងរ៉េប YCN Rakhie សមាជិកក្រុម La Cima និង ជាម្ចាស់បទ «007» ក៏លេចវត្តមានក្នុងមណ្ឌលប្រឡងផងដែរ គឺនៅឯវិទ្យាល័យឥន្ទ្រទេវី រាជធានីភ្នំពេញ។

យោងតាមគណនីផេកថតរូបមួយ ដែលមានឈ្មោះថា «Photography» បានចុះទៅថតរូបនៅឯមណ្ឌលប្រឡងផ្ទាល់ជាច្រើនសន្លឹក ដោយក្នុងចំណោមរូបភាពជាច្រើននោះ ក៏ឃើញមានរូបរបស់លោក YCN Rakhie ចេញពីប្រឡងទាំងទឹកមុខយ៉ាងរីករាយផងដែរ។

អ្វីដែលចាប់អារម្មណ៍ រូបភាពរបស់លោក លោក YCN Rakhie បានទទួលការ React ព្រមទាំងមានអ្នកគាំទ្រចែករំលែក និង យកផ្នែកខ្លះនៃ Lyric ចម្រៀង «០០៧» ទៅខមមិនលេងសើចព្រោងព្រាតពាសពេញបណ្ដាញសង្គម រហូតធ្វើឱ្យម្ចាស់សាមីខ្លួនហួសចិត្តយ៉ាងខ្លាំង។ យ៉ាងណាក៏ដោយ ក្នុងនោះក៏មានការជូនពរតារារ៉េបរូបនេះ ទទួលបានជោគជ័យនៅថ្ងៃប្រកាសលទ្ធផលខាងមុខផងដែរ៕