សុខៗ Kachai និយាយពីទំនាក់ទំនង Baifern និង Naphat បែបនេះ ធ្វើឱ្យអ្នកគាំទ្រភ្ញាក់ផ្អើលព្រាត

ជារឿយៗតារាស្រីរូបស្រស់រាងតូចច្រឡឹង Baifern ត្រូវបានមហាជនចាប់ក្រសែភ្នែកសម្លឹកមើលស្ទើរតែមិនរំលងមួយថ្ងៃណាឡើយ ពិសេសជាមួយតារាប្រុសរូបសង្ហា Nine Naphat ព្រោះកន្លងមកមហាជនបានផ្គូផ្គងឱ្យអ្នកទាំងពីរស្រឡាញ់គ្នា ដោយសារតែគិតថាអ្នកទាំងពីរស័ក្តិសមគ្នា និង ពេលនៅក្បែរគ្នាចុះសម្រុងគ្នាខ្លាំង។

ទន្ទឹមនឹងអ្នកគាំទ្របានចាប់គូឱ្យតារាស្រី Baifern ជាមួយតារាប្រុស Naphat ទាក់ទងគ្នា ស្រាប់តែពេលនេះទៀតមហាជនមួយចំនួនក៏បានងាកមកចាប់គូតារាស្រីតូចច្រឡឹងរូបនេះ ជាមួយនឹង Win Metawin ទៀតហើយ ក្រោយអ្នកទាំងពីរបានរួមសម្តែងរឿងជាមួយគ្នានាពេលកន្លងមក។

យ៉ាងណាមិញ ខណៈមហាជនមួយចំនួនបានផ្គូផ្គងតារាស្រី Baifern និង Win Metawin ភ្លាម ស្រាប់តែពិធីករប្រុសលោក Kachai ធ្លោយមាត់ចំអន់ Nine Naphat ខណៈលោកកំពុងចូលរួមកម្មវិធីមួយថា លោកពិបាកចិត្ត Win ក៏កូនប្រុស ចំណែក Nine Naphat ក៏ត្រូវជាកូនប្រុសច្បង តែវាមិនអាចទៅរួចទេដែលផ្គូផ្គង Win ជាមួយ Baifern ព្រោះត្រូវជាបងថ្លៃប្អូនថ្លៃ យ៉ាងណាក៏ទៅមិនរួច។

គ្រាន់តែបានឮដូច្នេះភ្លាម កាន់តែធ្វើឱ្យមហាជនជ្រួលច្របល់កាន់តែចង់ដឹងពីរទំនាក់ទំនងរបស់តារាស្រី Baifern និង តារាប្រុសរូបសង្ហា Nine Naphat លើសដើម ដោយម្នាក់ៗគិតថា ប្រសិនបើលោក Kachai មិនដឹងរឿងផ្ទៃក្នុង ក៏មិននិយាយលែងបែបនេះដែរ៕