(វីដេអូ) Panjan ចេញមុខទម្លាយទំនាក់ទំនងជាមួយ Prang ក្រោយអ្នកគាំទ្រផ្គូរផ្គងឱ្យស្រឡាញ់គ្នា

មួយរយៈចុងក្រោយនេះ គេសង្កេតឃើញមានតារាប្រុសស្រីក្នុងសិល្បៈថៃមិនតិចនោះទេ ដែលចេញមុខប្រកាសបញ្ចប់ទំនាក់ទំនងជាមួយគូស្នេហ៍។ ជាមួយគ្នានោះ ក៏មានវត្តមានតារាស្រីប្រុសនៃស្ថានីយទូរទស្សន៍ប៉ុស្តិ៍លេខ ៣ ថៃចំនួន ២ ដួងដែរ គឺតារាសម្ដែងស្រី Prang Kannarun និង តារាសម្ដែងប្រុស Panjan ដែលថ្មីៗនេះទើបតែប្រកាសបញ្ចប់ទំនាក់ទំនងស្នេហាជាមួយគូស្នេហ៍។

តារាប្រុស Panjun និង តារាស្រីស្រស់ Prang គឺជាដៃគូសម្ដែងនឹងគ្នាក្នុងរឿង «បុព្វេសន្និវាស» ភាគ១ ដែលសម្ដែងជាតួ ឃុនរឿង និង អ្នកនាង ចាន់វ៉ាត។ កាលនោះមហាជនហាក់ស្រឡាញ់គូសម្ដែងនេះណាស់ ហើយក៏បានផ្គូរផ្គងអ្នកទាក់ពីរដូចគ្នា តែតារាប្រុសស្រីគូនេះសុទ្ធតែមានសង្សាររៀងៗខ្លួនរួចទៅហើយ។

ដោយឡែក ត្រឡប់មកមើលពេលនេះ បន្ទាប់ពីតារាស្រី Prang និង តារាប្រុស Punjun ចែកផ្លូវគ្នារៀងៗខ្លួនមហាជនក៏បាននាំគ្នាចាប់គូឱ្យតារាស្រី Prang និង Panjan មើលចិត្តគ្នាព្រាត ព្រោះគេតែងឃើញអ្នកទាំងពីរបង្ហាញភាពស្និទ្ធស្នាលខ្លាំងអំឡុងពេលរួមការងារ។

យ៉ាងណាមិញ ក្រោយពីមានការផ្គូរផ្គងដូចនោះ តារាប្រុស Punjun ក៏បានចេញមកបកស្រាយថា ៖ «សម្រាប់លោក និង តារាស្រី Prang គឺមានទំនាក់ទំនងស្និទ្ធស្នាលគ្នាខ្លាំងណាស់ ពោលគឺលោកចាត់ទុកតារាស្រី Prang គឺប្អូនស្រីម្នាក់។ រីឯមហាជនតែងតែឱ្យលោកទៅសុំស្នេហ៍តារាស្រី Prang នោះគឺមិនអាចឡើយ ព្រោះលោកស្រឡាញ់គ្នាដូចជាបងប្អូន មានរឿងអ្វីតែងប្រឹក្សាគ្នា សូម្បីតែរាល់ថ្ងៃក៏ទាក់ទងគ្នាមិនដែលដាច់ឡើយ»៕