ផ្ទុះសំណើចលាន់ ក្រោយ Palmy ឡើងច្រៀងលើឆាក អ្នកគាំទ្រលើកគ្នាឱ្យសុទ្ធតែរបស់ប្លែកៗ

ប្រិយមិត្តប្រាកដជាបានស្គាល់មកហើយ នូវតារាស្រី Palmy ដែលជាតារាចម្រៀងល្បីក្នុងរង្វង់សិល្បៈថៃមួយរូប ពោរពេញទៅដោយទេពកោសល្យ និងស្ទីលការចម្រៀងផ្ទាល់ខ្លួនយ៉ាងគួរឱ្យចាប់អារម្មណ៍។

យ៉ាងណាមិញ មួយរយៈក្រោយនេះ នាងក៏ហាក់មមាញឹកក្នុងវិស័យសិល្បៈមិនតិចដែរ។ ជាក់ស្តែង កាលពីថ្ងៃទី ៥ ខែសីហា ឆ្នាំ ២០២២ កន្លងទៅនេះ Palmy ក៏បានឡើងច្រៀងបញ្ចេញស្នាដៃកំដរអារម្មណ៍មហាជនអ្នកគាំទ្រ នៅក្នុងកម្មវិធីប្រគុំត​ន្ត្រីមួយផងដែរ មើលទៅពិតជាគួរឱ្យសប្បាយ និង រំភើបមែនទែន។

ដោយឡែក ការឡើងឆាករបស់ Palmy លើកនេះ ពិតជាធ្វើឱ្យមហាជនចាប់អារម្មណ៍ និង អត់ទ្រាំផ្ទុះសំណើចមិនបានឡើយ ព្រោះនាងទទួលបានកាដូសុទ្ធតែរបស់ប្លែកៗ ដែលគេមិនធ្លាប់ឃើញតារាៗផ្សេងៗបានមកពីមុននោះទេ។

ក្នុងនោះ ​Palmy បានបង្ហោះរូបភាពជាមួយនឹងកាដូទាំងនេះ របស់ខ្លួននៅក្នុងបណ្តាញសង្គមព្រមជាមួយនឹង Caption យ៉ាងអស់សំណើចថា ៖ «របស់ល្អៗដែលមិត្តៗអ្នកគាំទ្រជាទីស្រឡាញ់តាំងចិត្តយកមកឱ្យ អរគុណច្រើនចំពោះអ្នកទាំងអស់គ្នា» ។ ជាពិសេស បើទៅរូបភាពទាំងនោះ Palmy ទទួលបានរបស់របហូបចុកជាច្រើន មានដូចជាទុរេន អំពៅ និង ថ្នាំបៀមបំបាត់ឈឺក នំកញ្ចប់ជាដើម ហើយថែមទាំងមានទាំងដើមផ្កាម្លិះទៀតផង។

ដោយឡែក មើលទៅ Palmy ក៏ហាក់សប្បាយចិត្តជាមួយនឹងការទទួលរបស់ទាំងនេះដូចគ្នា បើទោះជាពិបាកកាន់បន្តិចក៏ដោយ។ ចំណែក មហាជនអ្នកគាំទ្រផ្សេងៗ ក៏នាំគ្នាចូលទៅខមមិនបញ្ចេញមតិទាំងអស់សំណើច និង ហួសចិត្ត ហើយក៏មិននឹកស្មានថាគេចេះរកនឹកឱ្យតារាសំណព្វចិត្តជារបស់ប្លែកៗបែបនេះដែរ៕