Sririta បង្ហើបទាំងរំភើបចិត្ត ពេលឃើញកូនប្រុសតូចអាយុត្រឹម ១ ខួប ដើរតាមកន្លងខ្លួន
ចាប់តាំងតែទទួលបានកូនប្រុសម្នាក់ជាចំណងដៃអាពាហ៍ពិពាហ៍មក គេសង្កេតថាគ្រួសារតារាស្រី Sririta Jensen និង លោក Korn Narongdej កាន់តែមានពន្លឺសុភមង្គលទ្វេដង ជាពិសេសខណៈដែលបានកូនប្រុសដ៏ឃ្យូដគួរឱ្យស្រឡាញ់នោះ គេក៏ឃើញមានមហាជនអ្នកគាំទ្រច្រើនណាស់តែងបញ្ចេញមតិអួតសរសើរ។
ទោះបីក្លាយជាម្ដាយគេទៅហើយ បើងាកទៅមើលសម្រស់តារាស្រី Sririta ក៏នៅតែមានសម្រស់ក្មេងជាងវ័យដដែល។ ជារឿយៗប្រិយមិត្តអ្នកគាំទ្រតែងតែអួតសរសើរចំពោះនាងណាស់ថា នាងជានារីម្នាក់មិនត្រឹមតែមានសម្រស់ស្អាតនោះទេ ថែមទាំងជានារីដែលថែទាំកូន និង ស្វាមីបានយ៉ាងល្អថែមទៀតផង។
អ្វីដែលកាន់តែពិសេស ថ្មីៗនេះអ្នកម៉ាក់សម័យថ្មីរូបនេះបានទម្លាយទាំងអារម្មណ៍រំភើបថា នាងពិតជាសប្បាយចិត្តណាស់ ពេលដែលកូនប្រុសអាយុជាង ១ ខួបរបស់នាង គឺអូន Gavin ដើរតាមកន្លងឪពុកម្តាយ ពោលគឺគេហាក់មានដុងផ្នែកសិល្បៈតែម្តង។ ពិសេស ថ្មីៗនេះក៏មានអ្នកទាក់ទងជាច្រើនផងដែរ ដើម្បីជួលអូន Gavin ទៅថត តែនាងមិនទាន់ទទួលទាំងអស់នោះទេ ដោយសារតែកូននៅតូចពេល រង់ចាំឱ្យធំបន្តិចសិន នាងមិនបានបិទឱកាសរបស់កូនដែរ៕