អ្នកគាំទ្រឈ្លក់វង្វេងអស់ គ្រាន់តែ Park Eun Bin ដូរម៉ូដសក់ភ្លាម សម្រស់ប្លែក ១៨០ ដឺក្រេ
តារាសម្ដែងស្រី Park Eun Bin បច្ចុប្បន្ននេះប្រជាប្រិយភាពរបស់នាងគឺមានភាពល្បីល្បាញខ្លាំង ចាប់តាំងពីថតសម្ដែងរឿងភាគល្បីៗទទួលបានការគាំទ្រពីសំណាក់មហាជន ក៏ដូចជាទស្សនិកជនអាស៊ី។
ថ្មីៗនេះ តារាស្រីរូបនេះ កំពុងមានភាពលេចធ្លោយ៉ាងខ្លាំង ដោយសារតែម៉ូដសក់ខ្លីរបស់នាងថតសម្ដែងក្នុងរឿងថ្មី ដែលធ្វើឱ្យកក្រើកអស់អ្នកគាំទ្រ។ យ៉ាងណាមិញ នៅពេលដែលនាងត្រឡប់មកវិញ ជាមួយនឹងសក់វែងរលាង និង ផាត់មុខបែបស្រាលស្រទន់មានមន្តស្នេហ៍ សម្រស់របស់ Park Eun Bin បានផ្លាស់ប្តូរដល់ ១៨០ ដឺក្រេតែម្ដង។
ជាក់ស្ដែង កាលពីថ្ងៃទី ០៣ ខែសីហា ឆ្នាំ ២០២២ ខាង Namoo Actors ជាក្រុមហ៊ុនគ្រប់គ្រងតារាស្រីរូបនេះ បានបង្ហោះរូបថតក្រោយឆាកនៃការផ្សាយពាណិជ្ជកម្មរបស់តារាស្រីវ័យ ២៩ ឆ្នាំរូបនេះ។
ភ្លាមនោះ អ្នកនិយមលេងក្នុងបណ្តាញសង្គមបានឃើញលាន់មាត់សរសើរមិនដាច់ ពីសម្រស់របស់តារាស្រីរូបនេះ ដោយលើកឡើងថា ប្រសិនបើ Park Eun Bin លេងម៉ូដខ្លី នាងមើលទៅសាមញ្ញ និងគួរឱ្យស្រឡាញ់នៅក្នុងរឿងនោះ។ បើម៉ូដសក់វែង ធ្វើឱ្យសម្រស់តារាស្រីរូបនេះ កាន់តែមុតស្រួច និង ទាក់ទាញ ថែមទាំងលើកសម្រស់ខ្លាំងជាមួយនឹងទម្រង់មុខដ៏ស្រស់ស្អាតជាងមុនទៀត៕
