(វីដេអូ) ផ្ទុះការរិះគន់មួយក្ឌាំង ពេលនេះ នេនទុំ ចេញមុខសុំទោស និង ប្រាប់មូលហេតុសាក់រូបព្រះព្រហ្មនៅជើង

នៅថ្ងៃទី ៣ ខែសីហា ឆ្នាំ ២០២២ កន្លងទៅ មហាជនអ្នកប្រើប្រាស់បណ្ដាញសង្គមបានផ្ទុះការរិះគន់មិនចេញចិត្តជាខ្លាំងចំពោះទង្វើរបស់ នេន ទុំ ដែលបានយករូបព្រះកេសរបស់ព្រះព្រហ្មទៅសាក់នឹងកំភួនជើង ដែលបង្ហាញពីការមិនឱ្យតម្លៃលើវប្បធម៌ អរីយធម៌ទាល់តែសោះ។

ពិតណាស់ នេន ទុំ បានបង្ហោះរូបថត ៣ សន្លឹកនៅលើគណនីហ្វេសប៊ុកដែលបានបង្ហាញពីស្នាមសាក់រូបព្រះព្រហ្មនៅលើជើង ព្រមទាំងបញ្ជាក់នៅលើ Caption ច្បាស់ៗថាខ្លួនបានចំណាយពេល ២១ ម៉ោងឯណោះដើម្បីសាក់រូបនេះថា ៖ «ហ៊ានណាស់ខ្ញុំ ដេកឱ្យគេចាក់ជើងរហូតដល់ ២១ ម៉ោង (២ថ្ងៃ ) លុយក៏អស់ ព្រោះអ្វី?»។

គ្រាន់តែ នេន ទុំ បង្ហោះរូបថតបង្ហាញស្នាមសាក់ត្រង់ជើងនៅលើបណ្ដាញសង្គមភ្លាម គេឃើញមហាជនអ្នកលេងបណ្ដាញសង្គមមួយចំនួនធំ បានផ្ទុះប្រតិកម្មនាំគ្នាបញ្ចេញយោបល់មិនពេញចិត្តជាខ្លាំងនូវទង្វើហាក់មិនឱ្យតម្លៃវប្បធម៌ដ៏ល្អផូរផង់ដែលបុព្វបុរសបានបន្សល់ទុក។

យ៉ាងណាមិញស្រាប់តែនៅយប់ថ្ងៃទី ៤ ខែសីហា ឆ្នាំ ២០២២ នេន ទុំ ក៏បានចេញវីដេអូសុំទោសដែលធ្វើឱ្យមហាជនមិនពេញចិត្តចំពោះទង្វើរបស់ខ្លួន តែយ៉ាងណាក្នុងនោះ នេន ទុំ ក៏បានបកស្រាយពីមូលហេតុដែលខ្លួនជ្រើសរើសយកសាក់រូបនៅនឹងជើងថា ដងខ្លួនរបស់មនុស្សម្នាក់ៗត្រង់ចំណុចណាក៏សំខាន់ដូចគ្នា ហើយរឿងដំបូងបំផុតដែលលោកចាក់សាក់នេះ គឺព្រោះតែការស្រឡាញ់។

លើសពីនេះ លោកក៏បានប្រាប់ពីអារម្មណ៍ផ្ទាល់ខ្លួនថា នៅលើដងខ្លួនរបស់មនុស្សលោកគិតត្រង់ចំណុចកន្លែងណាក៏អាចតាំង (សាក់) បានដែរ ហើយមូលហេតុដែលខ្លួនសាក់នៅកំភួនជើង ព្រោះលោកគិតថាពេលលោកឡើងឆាកអាចបង្ហាញឱ្យអន្តរជាតិបានឃើញពីវប្បធម៌ខ្មែរយើង ហើយម្យ៉ាងវិញទៀតនៅលើផ្នែកដៃលោកមានសាក់ច្រើនហើយទើបមិនអាចសាក់បាន។ សូមទស្សនាការបកស្រាយទាំងស្រុងរបស់ នេន ទុំ ៖