ផ្ទុះការសង្ស័យ Baifern និង Bright កំពុងលួចបង្កាត់ភ្លើងស្នេហ៍ស្ងាត់ៗ
កាលពីពេលថ្មីៗនេះ មានគណនីហ្វេសប៊ុកផេកមួយដ៏ល្បីរបស់ថៃមានឈ្មោះថា Jmoy ១០៨ បានចេញមកបង្ហោះថា មានតារាស្រីប្រុសមួយគូក្នុងរង្វង់សិល្បៈថៃ កំពុងតែលួចបង្កាត់ភ្លើងស្នេហ៍ជាមួយគ្នាស្ងាត់ ដោយខាងប្រុសគឺជាតារាប្រុសម្ដែងក្នុងប្រភេទរឿង BL។
បន្ទាប់ពីមានការបង្ហោះសារបែបនោះមក មហាជនជាច្រើនបានដាក់ការសង្ស័យទៅកាន់តារាស្រី Baifern និង តារាសម្ដែងប្រុសវ័យក្មេង Bright Vachirawit ថាពួកគេកំពុងតែមានទំនាក់ទំនងជាមួយគ្នា។
ក្រោយពីមានការសង្ស័យ ងាកមកមើលតារាស្រី Baifern ឯណេះវិញ ថ្មីៗនេះ បានចេញមកបង្ហោះរូបភាពអង្គុយនៅហាងកាហ្វេទាំងទឹកមុខញញឹមញញែមហាក់រីករាយខុសធម្មតា ដោយអ្នកគាំទ្រយល់ថាជាអាការអ្នកមានស្នេហា។
យ៉ាងណាមិញ នេះគ្រាន់តែការសង្ស័យពីសំណាក់មហាជនតែប៉ុណ្ណោះ ចំពោះរឿងពិតទៅជាយ៉ាងណាមានតែរង់ចាំការបកស្រាយពីសាមីខ្លួនផ្ទាល់៕
