ស៊ីអារម្មណ៍សម្បើមណាស់! Alek បង្ហោះសារប្លែកៗ ក្រោយពី Bow បានបាច់ផ្កាក្នុងថ្ងៃការរបស់ Aire!
កាលពីថ្ងៃទី ១៧ ខែកក្កដា ឆ្នាំ ២០២២ កន្លងទៅនេះ តារាសម្ដែងស្រី Aire Phanthila និង គូស្នេហ៍លោក Ice Ratchasit បានកាន់ដៃគ្នាចូលរោងការយ៉ាងអធិកអធម ដោយមានញាតិមិត្ត និង បណ្ដាសិល្បករថៃល្បីៗជាច្រើនចូលរួមដើម្បីជាសក្ខីភាពស្នេហ៍។
ទន្ទឹមនឹងនោះ ងាកទៅមើលគូស្នេហ៍តារាសម្ដែងប្រចាំស្ថានីយទូរទស្សន៍ប៉ុស្តិ៍លេខ ៣ ថៃ លោក Alek Teeradetch និង តារាសម្ដែងស្រី Bow Maylada ក៏បានបណ្ដើរគ្នាយ៉ាងត្រសងទៅចូលរួមមង្គលការតារាស្រី Aire Phanthila ផងដែរ។
អ្វីដែលសំខាន់ក្នុងពិធីមង្គលការនេះ មហាជនហាក់រំភើបចិត្តជាខ្លាំងក្រោយពីតារាស្រី Bow Maylada ទទួលបានបាច់ផ្កាពីកូនក្រមុំ។ ខណៈដែលបានបាច់ផ្កាកាន់នឹងដៃ គេឃើញថា Bow ត្រូវបានមិត្តភក្តិអបអរសាទរ ដោយម្នាក់ៗ បង្អាប់ធ្វើឱ្យ Bow និង Alek អៀនមុខឡើងក្រហម។
ដោយឡែក ងាកមកមើល Alek វិញ បន្ទាប់ពីត្រឡប់ពីកម្មវិធីវិញ តារាប្រុសក៏បានចេញមកបង្ហោះរូបភាពផ្អែមល្ហែមរបស់ខ្លួនជាមួយសង្សារ ថែមទាំងភ្ជាប់ជាមួយស្ទិកគ័ររូបភាពមួយចំនួនធំដែលបង្ហាញថាមិនយូរនោះទេ ប្រហែលមានដំណឹងល្អហើយ ដែលធ្វើឱ្យមហាជនបញ្ចេញមតិពេញចិត្តគ្រប់ៗគ្នា៕
