Drake បង្ហើរសំនៀងជាមួយ Backstreet Boys លើកដំបូង មហាជនស្រែកផ្អើលឆាក
កាលពីរាត្រីថ្ងៃទី ០២ ខែកក្កដា ឆ្នាំ ២០២២ កន្លងទៅ ក្រុមចម្រៀងជើងចាស់ដ៏ល្បី Backstreet Boys បានរៀបចំការប្រគំតន្ត្រីយ៉ាងធំមួយនៅក្នុងក្រុង Toronto ប្រទេសកាណាដា។
ដោយឡែក ក្នុងការប្រគំតន្ត្រីរបស់ក្រុមចម្រៀងដ៏ល្បីមួយក្រុមនេះដែរ បានធ្វើឱ្យមហាជនអ្នកចូលរួមភ្ញាក់ផ្អើល និង រំភើបស្រែកហ៊ោជាខ្លាំង ក្រោយវត្តមានរបស់តារារ៉េបដ៏ល្បី Drake បង្ហាញខ្លួនលើឆាកច្រៀងបទចម្រៀងដ៏ពេញនិយម «I Want It That Way» រួមគ្នាជាមួយ Backstreet Boys ។
ជាការពិតណាស់ មហាជនអ្នកគាំទ្រតារារ៉េប Drake ភាគច្រើនប្រាកដណាស់ ធ្លាប់តែបានស្ដាប់លោកច្រៀងបែបរ៉េប ញាក់កន្ត្រាក់អារម្មណ៍ ពោលគឺកម្រនឹងបានឃើញលោកច្រៀងចម្រៀងបែបពីដើមបែបនេះណាស់។
យ៉ាងណាមិញ ក្រោយតារារ៉េប Drake ច្រៀងបទ «I Want It That Way» បានធ្វើឱ្យអ្នកចូលរួមទស្សនារំភើបស្រែកហ៊ោជាខ្លាំង ផ្អើលឆាកប្រគំតន្ត្រីតែម្ដង៕