ភ្ញាក់ផ្អើល ក្រោយ First Wang ដែលធ្លាប់ជាបេក្ខភាព Top 5 MUT 2019 មិនបានចូល Top 30 MUT ឆ្នាំនេះ
កាលពីថ្ងៃទី ៣ ខែកក្កដា ឆ្នាំ ២០២២ កន្លងទៅនេះ កម្មវិធីប្រកួតសម្រស់ធំជាងគេ Miss Universe Thailand បានឈានចូលដល់វគ្គជម្រុះយកបេក្ខភាពផ្លូវការ ៣០ នាក់ចុងក្រោយហើយ ដោយវិញ្ញាសារនៃជុំជម្រុះគឺ Keywords (Audition)។
ក្នុងនោះមហាជនហាក់រំពឹងខ្ពស់លើបេក្ខនារី First Pacharaphorn Wang ខ្លាំងព្រោះតែនាងមានបទពិសោធន៍លើវិថីប្រកួតជាច្រើនឆ្នាំ ជាពិសេសនាងធ្លាប់ជាបេក្ខភាព Top 5 ក្នុងការប្រកួត Miss Universe Thailand ឆ្នាំ ២០១៩ និង ជាម្ចាស់ជ័យលាភី Miss Intercontinental 2014 ផងដែរ។
តែអ្វីដែលគួរឱ្យភ្ញាក់ផ្អើល និងសោកស្តាយនោះគឺ First Wang មិនបានបន្តដំណើរចូល Top 30 នោះទេ ដោយនាងត្រូវជម្រុះត្រឹមជុំ Keywords នេះ ព្រោះតែការឆ្លើយសំណួរហាក់នៅមានកម្រិតនៅឡើយ។
ឃើញបែបនេះ មហាជនជាច្រើនក៏បានសម្តែងការសោកស្តាយចំពោះនាង ហើយកាន់តែបង្កើនក្តីរំពឹងលើកម្មវិធី Miss Universe Thailand ឆ្នាំ ២០២២ នេះ ថាពិតជាសុក្រិត ហើយសម្រិតសម្រាំងខ្លាំងលើសពីសព្វមួយដង ដោយគេរំពឹងថាអ្នកឈ្នះគឺជាអ្នកដែលមានសមត្ថភាពពិតៗ ព្រោះតែពីមួយវគ្គទៅមួយវគ្គកាន់តែពិបាកឡើងៗជាងឆ្នាំកន្លងទៅ៕