កំពូលតារាសម្ដែង ទេព រិន្ធដារ៉ូ ប៉ះ ប្រុសខួច លើកដំបូង ផ្ទុះការគាំទ្រខ្លាំង
ថ្មីៗនេះ លើបណ្ដាញសង្គមកំពុងផ្ទុះការចាប់អារម្មណ៍ខ្លាំង ក្រោយពីបានឃើញវីដេអូ Trailer ភាពយន្តខ្មែរខ្នាតធំមួយ គឺរឿង «លោកប៉ាមហាកូរ» ដែលចូលរួមសម្ដែងដោយតារាខ្មែរល្បីៗ ជាពិសេសតួអង្គសំខាន់ក្នុងភាពយន្តនេះ គឺតារាសម្ដែងជើងចាស់ លោក ទេព រិន្ធដារ៉ូ និង តារាសម្ដែងវ័យក្មេង ប្រុសខួច។
ក្នុងភាពយន្តនេះដែរ ឃើញថា លោក ទេព រិន្ធដារ៉ូ និង ប្រុសខួច សម្ដែងប៉ះគ្នាជាតួអង្គឪពុកកូន បង្កើតបានជាចំណីអារម្មណ៍ប្លែកទាក់ទាញខ្លាំង ដោយគ្រាន់តែចេញ Trailer ភ្លាម ពិតជាមានសន្ទុះនៃការគាំទ្រខ្លាំងពីមហាជន ព្រោះសាច់រឿងសម្បូរដោយភាពកំប្លុកកំប្លែងក្រមិចក្រមើមទំនងល្អមើល ជាពិសេសភាពប៉ិនប្រសប់នៃការសម្ដែងរបស់តួអង្គប្រុសទាំងពីរ។
វីដេអូ Trailer នៃភាពយន្តមួយនេះ ត្រូវបានមហាជនអ្នកលេងបណ្ដាញសង្គម ជាពិសេសអ្នកគាំទ្ររបស់តារាប្រុសទាំងពីររូបនេះ កំពុងតែធ្វើការចែករំលែកពេញបណ្ដាញសង្គម ដោយបង្ហាញពីចិត្តអន្ទៈសារង់ចាំទស្សនាភាពយន្តនេះ ដែលនឹងមានចាក់បញ្ចាំងនៅគ្រប់រោងភាពយន្តខ្មែរនៅថ្ងៃទី ២១ ខែកក្កដា ឆ្នាំ ២០២២ ខាងមុខនេះ៕
សូមទស្សនាវីដេអូខាងក្រោម៖