មួយគូទៀតហើយ! Ann អាចនឹងមានដំណឹងល្អឆាប់ៗ ខណៈម្ចាស់ហាងកាត់ដេរម្នាក់ ទម្លាយសារប្លែកមួយនេះ
និយាយពីគូស្នេហ៍ចាស់ទុំ មហាជននឹកដល់ឈ្មោះតារាស្រី Ann Thongprasom និង គូស្នេហ៍របស់នាងមុនគេ ព្រោះបើគិតចាប់តាំងពីថ្ងៃផ្តើមស្នេហ៍មកទល់ពេលនេះ ឃើញថារយៈពេលជាង ២០ ឆ្នាំទៅហើយ ដែលអ្នកទាំងពីរមើលចិត្តគ្នា។
យ៉ាងណាមិញ ជុំវិញទំនាក់ទំនងដ៏យូរមួយនេះ បើទោះបីជាតារាស្រី Ann Thongprasom ធ្លាប់ចេញមុខទម្លាយថាមិនទាន់គិតគូរឿងរៀបការកាលពីកន្លងទៅហើយក៏ដោយ តែសម្រាប់មហាជននៅតែទទូចចង់ឃើញអ្នកទាំងពីរមានថ្ងៃពិសេសនេះខ្លាំងបំផុត។
ដោយឡែក អ្វីដែលមហាជនភ្ញាក់ផ្អើលខ្លាំង និង មានចម្ងល់ស្ទើរតែគ្រប់គ្នាថា តើតារាស្រី Ann Thongprasom ត្រៀមនឹងចូលរោងការឆាប់ៗឬយ៉ាងណា? បន្ទាប់ពីឃើញម្ចាស់ហាងកាត់ដេរល្បីឈ្មោះមួយកន្លែងបានបង្ហោះរូបតារាស្រី Ann Thongprasom កំពុងតែស្លៀករ៉ូបកូនក្រមុំយ៉ាងស្រស់ស្អាត និង ភ្ជាប់ជាមួយសារដ៏គួរឱ្យសង្ស័យថា៖ «បើមិនប្រញាប់ ប្រយ័ត្នមានអ្នកទៅមុនណា Kimberly»។
យ៉ាងណាមិញ គ្រាន់តែឃើញបង្ហោះសារបែបនេះ ហាក់ធ្វើឱ្យអ្នកគាំទ្រនៅពុំសុខនោះទេ ជ្រួលជ្រើមចង់ដឹង ហើយក៏សង្ឃឹមថាតារាស្រី Ann Thongprasom នឹងមានដំណឹងល្អឆាប់ៗពិតប្រាកដមែន៕