សម ម៉ាណា ធ្វើខួបកំណើតកូនស្រី អញ្ជើញមិត្តសិល្បៈចូលរួមសុទ្ធតែអ្នកជិតដិត
ភ្លេចៗត្រចៀកកូនស្រីសំណព្វចិត្តរបស់តារាសម្ដែងរូបស្រស់ សម ម៉ាណា មានអាយុ ២ ឆ្នាំហើយ ដោយកាលពីថ្ងៃទី ២២ មិថុនា កន្លងទៅនេះ អ្នកនាងក៏បានរៀបចំជប់លៀងខួបកំណើតធំសមល្មមមួយឱ្យកូនស្រី ដែលនាងបានអញ្ជើញមិត្តភក្ដិក្នុងចង្កោមសិល្បៈជិតដិតជាច្រើនរូប ដើម្បីចូលរួមជូនពរថ្ងៃកំណើតកូនស្រី។
បើនិយាយពីទិដ្ឋភាពក្នុងថ្ងៃខួបកំណើតនាងតូច ដែលជាកូនស្រីបណ្ដូលចិត្តរបស់ សម ម៉ាណា វិញ ឃើញថាទាំងម្ចាស់កម្មវិធី និង ភ្ញៀវចូលរួមភាគច្រើនបានតុបតែងខ្លួនជាមួយនឹងឈុតពណ៌សយ៉ាងស្រស់ស្អាតទាក់ភ្នែក ហើយលើសពីនេះ មើលទៅនាងតូចរូបនេះ ក៏ទទួលបានក្ដីស្រឡាញ់ពីភ្ញៀវចូលរួមគ្រប់គ្នា ព្រោះតែរូបរាងតូចច្រឡឹង និង មុខមាត់ស្រស់ស្អាតគួរឱ្យក្នាញ់របស់គេ។
ដោយឡែកបើក្រឡេកទៅមើលអ្នកម៉ាក់សម័យថ្មី សម ម៉ាណា វិញ ដ្បិតថាក្លាយជាម្ដាយរបស់គេហើយក្ដី តែអ្នកនាងនៅតែមានរូបសម្រស់ស្រស់ស្អាត សាច់ឈាមក៏ទ្រលុកទ្រលន់ ជាពិសេសពេលនាងរំលេចខ្លួនជាមួយរ៉ូបពណ៌ដៃតូចក្នុងថ្ងៃខួបកំណើត កាន់តែស្អាតទាក់ទាញថែមទៀត៕