ឃើញ គង់ សុជាតិ មានកូនប្រសាទាំងវ័យក្មេង យុគ ចិន្ដា ជ្រួលច្រាលចិត្តចង់មានកូនប្រសាដូចមិត្តសម្លាញ់ដែរ
នៅក្នុងវិថីសិល្បៈ មហាជនអ្នកគាំទ្របានដឹងថា ពិធីការិនីឆ្នើមជើងចាស់ ២ ដួង គឺអ្នកនាង គង់ សុជាតិ និង យុគ ចិន្ដា ជាមិត្តសម្លាញ់រាប់អានគ្នាច្រើនឆ្នាំមកហើយ តួយ៉ាងក្នុងថ្ងៃអ្នកនាង គង់ សុជាតិ រៀបមង្គលការឱ្យកូនប្រុសច្បង គេក៏ឃើញវត្តមានពិធីការិនី យុគ ចិន្ដា ដែលជាមិត្តសម្លាញ់ បាននាំកូនស្រីបណ្ដូលចិត្តទៅចូលរួមសម្ដែងភាពសប្បាយរីករាយដល់គូស្វាមីភរិយាថ្មីផងដែរ។
រវាង គង់ សុជាតិ និង យុគ ចិន្ដា មិនត្រឹមតែជាពិធីការិនីរៀមច្បងដ៏គួរឱ្យគោរពស្រឡាញ់ពីមិត្តសិល្បករជំនាន់ក្រោយទេ ចំពោះទំនាក់ទំនងក៏ស្អិតល្មួត ហើយថែមទាំងមានវ័យស្របាលៗគ្នាទៀត។ ដោយឡែកក្រោយឃើញអ្នកនាង គង់ សុជាតិ មានកូនប្រសាហៅមុន ស្រាប់តែតារាជើងចាស់អ្នកនាង យុគ ចិន្ដា ក៏បានបង្ហើបថា អ្នកនាងក៏ជ្រួលជ្រើមចង់បានកូនប្រសាដូចមិត្តសម្លាញ់ដែរ តែទាល់ត្រង់កូនស្រីនៅក្មេងមិនទាន់រៀនចប់ចុងចប់ដើមនៅឡើយ។
ទោះជាបែបនេះ ក្នុងនាមជាមិត្តជិតដិតរាប់អានគ្នាច្រើនឆ្នាំ យុគ ចិន្ដា ក៏សម្ដែងក្ដីអបអរសាទរ និង រំភើបជំនួសមិត្ត ដែលទទួលបានគ្រួសារមួយពោរពេញដោយសុភមង្គល ហើយថែមទាំងនៅក្មេងសោះក៏មានកូនប្រសាម្នាក់បាត់ទៅហើយ៕