ស្រឡាំងកាំង! លើកទី ១ ដែលឃើញ ឈិន ម៉ានិច ច្រៀងបណ្ដើរ យំគគ្រូកបណ្ដើរ យ៉ាងរំជួលចិត្ត

ថ្មីៗនេះ មហាជនអ្នកលេងបណ្ដាញសង្គម ជាពិសេសអ្នកគាំទ្ររបស់ តារាចម្រៀងស្រី ឈិន ម៉ានិច ហាក់ផ្ទុះការចាប់អារម្មណ៍ខ្លាំង និងមានការរំជួលចិត្តតាមគ្រប់គ្នា បន្ទាប់ពីបានឃើញវីដេអូរបស់ តារាចម្រៀងរូបនេះ បកស្រាយចម្រៀងទាំងអារម្មណ៍អួលអាក់ស្រក់ទឹកភ្នែកនៅក្នុងកម្មវិធីប្រគុំតន្រ្តីមួយ។

ក្នុងកម្មវិធីប្រគុំតន្ត្រីនេះដែរ កម្មវិធីបានតម្រូវឱ្យតារាកិត្តិយសលើកយកបទចម្រៀងរបស់ អ្នកនាង សុគន្ធ នីសា មកច្រៀង Cover ដែលតារាចម្រៀង ឈិន ម៉ានិច បានលើកយកបទចម្រៀង «ស្រលាញ់អូនម្តងទៀតបានទេ» មកបកស្រាយ ជាបទបែបមនោសញ្ចេតនាកម្សត់ចាក់ដោតខ្លាំង ដែលធ្វើឱ្យនាងច្រៀងបណ្ដើរអួលដើម-កស្រក់ទឹកភ្នែកបណ្ដើរហាក់បង្ហាញអារម្មណ៍ដែលបង្កប់ការឈឺចាប់ដូចទៅនឹងអត្ថន័យបទចម្រៀង។

ប៉ុន្តែយ៉ាងណាមិញ ឈិន ម៉ានិច ក៏បានប្រាប់ឱ្យដឹងថា ដោយសារតែបទចម្រៀងមួយនេះនាងស្រឡាញ់ខ្លាំងបានជាលើកយកមកបកស្រាយ ព្រមទាំងបានបញ្ចូលមនោសញ្ចេតនាខ្លាំងផងដែរ រហូតធ្វើឱ្យនាងស្រក់ទឹកភ្នែកមែនទែនបែបនេះ។

វីដេអូនៃការបកស្រាយចម្រៀងរបស់ តារាចម្រៀងស្រីរូបនេះដែរ កំពុងត្រូវបានមហាជនអ្នកគាំទ្រធ្វើការកាត់តចែករំលែកលើបណ្ដាញសង្គមដោយភ្ជាប់ជាមួយនឹងអារម្មណ៍រំជួលចិត្តតាមនាងគ្រប់គ្នា ព្រោះតែជាលើកដំបូងហើយដែលឃើញនាងច្រៀងទាំងទឹកភ្នែកបែបនេះ៕

សូមទស្សនាវីដេអូខាងក្រោម៖