ប៉ះមនុស្សខ្សែលើ មានអី សុគន្ធ ថេរ៉ាយុ បោះសម្ដីចាក់ដោតនេះគ្មានស្រណោះមិត្តភាព
តារាចម្រៀងស្ថិតក្នុងដួងចិត្តយុវវ័យ សុគន្ធ ថេរ៉ាយុ នៅតែប្រើជីវិតឯកជនយ៉ាងសប្បាយហ៊ឺហារ បើទោះបីជាមួយរយៈក្រោយនេះហាក់រង្វើលក្នុងការឡើងឆាកប្រគំតន្ត្រីតាមកញ្ចក់ទូរទស្សននានាក៏ដោយ ជាពិសេសលោកនៅតែជះរាងសង្ហារាយមន្តស្នេហ៍ទាក់ចិត្តនារីៗជានិច្ច ដ្បិតថាប្រុសស្អាតរូបនេះស្ថិតក្នុងវ័យ ៣៣ ឆ្នាំក្ដី។
និយាយដល់រឿងរ៉ាវផ្ទាល់ខ្លួន ថ្មីៗនេះតារាប្រុសសាច់សខ្ចី សុគន្ធ ថេរ៉ាយុ បានធ្វើឱ្យមហាជនភ្ញាក់ផ្អើលមិនតិចនោះទេ ព្រោះថានៅសុខៗលោកក៏និយាយពីមនុស្សខ្សែលើថា ៖ «ធ្វើអ្វីក៏ដោយកុំខ្សែលើ ព្រោះវាអាចបាត់បង់មិត្តភាព បាត់បង់អារម្មណ៍ល្អៗ បាត់បង់ទំនុកចិត្តដែលធ្លាប់មានឱ្យគ្នា មិនមែនមួយថ្ងៃទេ គឺបាត់បង់ជារៀងរហូត»។
តាមការបង្ហោះរបស់តារាចម្រៀង សុគន្ធ ថេរ៉ាយុ នៅលើបណ្ដាញសង្គមហាក់បញ្ជាក់ថា លោកបានជួបមនុស្សដែលខ្សែលើ ប៉ុន្ដែលោកមិនបានបញ្ជាក់ពីអត្តសញ្ញាណថាជាអ្នកណាឡើយ។ តែទោះជាបែបនេះ អ្នកលេងហ្វេសប៊ុកជាច្រើនបានយល់ស្របនូវពាក្យសម្ដីរបស់លោកព្រោងព្រាត៕