អីយ៉ាស់! ផ្អើលមុខដូចពេក ឥឡូវ Elon Musk ចង់ជួបគ្នាផ្ទាល់ជាមួយ Yilong Ma ហើយ
មហាសេដ្ឋី Elon Musk បាននិយាយថា រូបលោកចង់ធ្វើការណាត់ជួបជាមួយបុរសដែលមានមុខមាត់ដូចលោក Yilong Ma ដើម្បីចង់ដឹងថា រូបគេមានមុខដូចលោកពិតប្រាកដមែន ឬ គ្រាន់តែជាការបន្លំលេងសើចទេ។
បុរសសញ្ជាតិចិនដែលមានមុខមាត់ដូច Elon Musk នេះ គឺមកពីខេត្ត Hebei ប្រទេសចិន ដែលបច្ចុប្បន្នទទួលបានប្រជាប្រិយភាពខ្លាំងតាមបណ្ដាញសង្គមនានា ជាពិសេសបណ្ដាញសង្គម Twitter តែម្ដង។ ដោយឡែកបើតាមការចេញផ្សាយរបស់សារព័ត៌មាន The Global Times បានលើកឡើងបែបនេះថា Yilong Ma អាចនឹងប្រើប្រាស់កម្មវិធី AI កែប្រែមុខមាត់ខ្លួនឱ្យដូច Elon Musk តែប៉ុណ្ណោះ។
ទោះជាយ៉ាងណា ដើម្បីជាការបញ្ជាក់ការពិត បុរសជនជាតិចិនដ៏ល្បីរូបនេះ ក៏បានសន្យាថា រូបលោកនឹងធ្វើការឡាយផ្ទាល់ បង្ហាញឱ្យឃើញច្បាស់ថា មុខមាត់លោកដូច Elon Musk ពិតមែនឬអត់៕
