រាប់ចង់គាំងម៉ាស៊ីន! មកដឹងតួលេខលុយដុំរបស់ Zhao Liying មានក្នុងដៃ!
ចាប់តាំងពីមានរឿងចចាមអារ៉ាមថា តារាសម្ដែងស្រី Zhao Liying ត្រូវបានគេរកឃើញមានគេចពន្ធ ក្លែងបន្លំឯកសារប្រាក់ខែ កាលពីថ្ងៃទី ២៩ ខែមីនា ឆ្នាំ ២០២២ កន្លងទៅថ្មីៗនេះ។
រឿងរ៉ាវរបស់តារាសម្តែងស្រីរូបនេះ បានក្លាយជាចំណុចផ្តោតការចាប់អារម្មណ៍យ៉ាងខ្លាំងពីសាធារណៈជន រហូតដល់នាយកដ្ឋានពន្ធដាក្រុងសៀងហៃ បានចេញមកបដិសេធចំពោះព័ត៌មានថា Zhao Liying មិនបានប្រព្រឹត្តល្មើសនឹងច្បាប់នោះឡើយ។ យ៉ាងណាមិញ តារាស្រីរូបនេះ ក៏បានដាក់ពាក្យប្តឹងទៅបុគ្គល ២ នាក់រួចហើយ ដែលជាអ្នកចេញផ្សាយព័ត៌មានមិនពិត បង្ខូចកិត្តិយសរបស់នាង។
ទោះជាយ៉ាងណា យោងតាមប្រភពចេញពី QQ បានឱ្យដឹងថា Zhao Liying បច្ចុប្បន្ន ចំពោះអាជីពការងារក្នុងនាមជាតារាស្រីលំដាប់ A របស់ចិន ដែលអាចរកបានចំណូលរាប់សិបលានដុល្លារក្នុង ១ ឆ្នាំ ហើយនាងត្រូវបានគេចាត់ទុកថាគឺជាម៉ាស៊ីនបោះពុម្ពលុយធំមួយ នៅក្នុងវិស័យភាពយន្តចិនផងដែរ។
បើតាមប្រភពដដែលបានបន្តថា អ្នកមេម៉ាយសាច់ក្រអូបរូបនេះ ត្រូវបានគេប៉ាន់ប្រមាណថានាងមានទ្រព្យសម្បត្តិសរុបជាង ៦១ លានដុល្លារអាមេរិក។ ដោយលុយទាំងនេះ គឺជាប្រភពចំណូលពីសមិទ្ធផលចេញពីសមត្ថភាពតាមរយៈស្នាដៃថតសម្ដែង និង ការផ្សាយពាណិជ្ជកម្ម និង ចូលរួមក្នុងពិធីកម្សាន្តនានា។ ក្រៅពីនេះ ចំណូលរបស់នាងក៏បានមកពីការវិនិយោគទុនក្នុងអាជីវកម្មផងដែរ៕
