ផ្ទុះការភ្ញាក់ផ្អើល! ស្ងាត់ៗធ្លាយថា ឆន សុវណ្ណារាជ ខលទៅគេច្រើនដង ដើម្បីលក់ខុនដូរ
ថ្មីៗនេះ មហាជនអ្នកប្រើប្រាស់បណ្ដាញសង្គមហ្វេសប៊ុកហាក់នាំគ្នាផ្ទុះការភ្ញាក់ផ្អើលជាខ្លាំង បន្ទាប់ពីឃើញមានអ្នកផុសរៀបរាប់ថា កំពូលតារាចម្រៀងប្រុសដ៏ល្បីល្បាញ ឆន សុវណ្ណារាជ បានខលទៅខ្លួន និង គ្រួសារ បងប្អូនឃោសនាលក់អចលនទ្រព្យ មានដូជាដី ផ្ទះ និង ខុនដូរ ជាដើម។
ពិតណាស់ នៅថ្ងៃទី ២៦ ខែមករា ឆ្នាំ ២០២២ បុរសម្នាក់បានបង្ហោះរូបថត ឆន សុវណ្ណារាជ នៅលើហ្វេសប៊ុក ហើយសរសេររៀបរាប់ថា ៖ «លោក ឆន សុវណ្ណារាជ អើយ ឈប់បានឈប់ទៅ ឈប់ Call មកទៀត លោកមានដី មានផ្ទះ មានខុនដូរ លោកផុសលក់តាមផេកលោកទៅ មិនបាច់ Call មករាល់ថ្ងៃទេ ខលមកខ្ញុំមិនអស់ចិត្ត Call មកប្រពន្ធខ្ញុំទៀត ខ្ញុំបាន Block លេខលោក 2 ខ្សែហើយ នៅ call ទៅប្រពន្ធខ្ញុំទៀត។ ថា call ក៏ call ចុះ តែសុំមើលម៉ោងពេលផង ខ្ញុំអ្នកធ្វើការ ហត់ណាស់ មានពេលបន្តិចបន្តួចសម្រាកថ្ងៃត្រង់ លោក call មកមិនឱ្យសម្រាកទៀត។ call មកអស់ហើយមិនថាខ្ញុំ ប្រពន្ធខ្ញុំ ចូលដល់បងប្អូនខ្ញុំទៀត។ លោកធ្វើអ៊ីចឹងដើម្បីអី បាត់ប្រជាប្រិយភាពហើយ។ សូមអរគុណលោក បើឈប់ call មកខ្ញុំទៀត»។
សារមួយនោះត្រូវបានមហាជននាំគ្នាស៊ែរចែករំលែកគ្នាព្រោងព្រាត ហើយរឿងដែលមហាជនចាប់អារម្មណ៍ ក្នុងនោះគេឃើញមានអ្នកលេងហ្វេសប៊ុកជាច្រើនបានចូលទៅបញ្ចេញយោបល់ក្នុងន័យថា ពួកគេក៏ធ្លាប់ជួបរឿងបែបនេះដែរ។
យ៉ាងណាមិញ បើមើលតាមរយៈការឆ្លើយឆ្លងក្នុងខំមិន ម្ចាស់សារដែលបានបង្ហោះនោះបានឱ្យដឹងថា សំឡេងដែលលោកអះអាងថាជាសំឡេកតារាចម្រៀង ឆន សុវណ្ណារាជ នោះ មិនមែនជាសំឡេងផ្ទាល់ខ្លួន គឺជាការថតទុក៕