ស្វីតៗទៀតហើយ! New កាន់ដៃ Now ទៅសាកថ្មជីវិត ថែមពាក្យផ្អែមមួយនេះ ធ្វើឱ្យមហាជននៅមិនសុខ
ប្រិយមិត្តអ្នកនិយមតាមដានតារាសិល្បៈថៃ ច្បាស់ជាបានជ្រាបរួចមកហើយថា គូស្នេហ៍តារាថៃដ៏ផ្អែមល្ហែមរវាង New Wongsakorn និង តារាសម្ដែងរូបស្រស់នាង Now Tisanart កន្លងមកតែងតែធ្វើឱ្យមហាជនច្រណែនពីក្ដីស្រឡាញ់ ភាពរ៉ូមែនទិករបស់ពួកគេ តាមរយៈការបង្ហោះសកម្មភាពល្អូកល្អិននៅលើបណ្ដាញសង្គម។
ដូចពាក្យចាស់តែងពោលថា ស្នេហាមិនប្រកាន់វណ្ណៈ មានក្រ សខ្មៅ ឬ អាយុនោះទេ។ តួយ៉ាងប្រុសស្អាត New និង ស្រីស្រស់ Now មានអាយុខុសត្រូវគ្នាដល់ទៅ ១៣ ឆ្នាំឯណោះ ប៉ុន្ដែរឿងនេះមិនបានជះឥទ្ធិពលដល់ក្ដីស្នេហាដ៏ស្មោះសរបស់ពួកគេសូម្បីតែបន្តិច តែផ្ទុយទៅវិញ ពួកគេកាន់តែស្រឡាញ់យល់ចិត្តគ្នាលើសដើម។
ជាការពិត ឆ្នាំនេះតារាស្រី Now ទើបតែមានអាយុ ២៩ ឆ្នាំប៉ុណ្ណោះ ប៉ុន្ដែតារាប្រុស New វិញ មានអាយុ ៤១ ឆ្នាំទៅហើយ តែទោះជាបែបនេះ អ្នកទាំងពីរនៅតែមើលទៅសមគ្នាខ្លាំងណាស់ ព្រោះទោះវ័យរៀងជ្រេបន្តិច តែ New Wongsakorn នៅតែរក្សាភាពសង្ហាមិនប្រែប្រួលឡើយ។
ដោយឡែក ងាកមកមើលពេលថ្មីៗនេះ គូស្នេហ៍ដ៏ផ្អែមល្ហែមសំណព្វចិត្តមហាជនគ្រប់គ្នានោះ ស្រាប់តែកាន់ដៃគ្នាទៅសាងស្នេហ៍សាកថ្មជីវិត គយគន់ទេសភាពបង្កើតនូវភាពផ្អែមល្ហែមនៅខេត្តឈៀងរ៉ាយ ប្រទេសថៃ ឃើញហើយធ្វើឱ្យមហាជនលួចក្ដីច្រណែន។
ក្នុងនោះដែរ គេក៏ឃើញតារាស្រីប្រុសមួយគូរនេះបង្ហោះរូបភាពស្វីតៗ កៀកកើយគ្នា ប្រៀបបានបីដូចជារលកញីឈ្មោលអ៊ីចឹង។ លើសពីនោះ តារាប្រុស Now Wongsakorn ក៏បានសរសេរឃ្លាស្នេហាមួយជូនទៅតារាស្រី Now Tisanart យ៉ាងស្វីតផងដែរថា ៖«គ្មាននរណាដែលគួរឱ្យស្រឡាញ់ជាងអូនឡើយនៅលើលោកនេះ»។ ជាមួយនឹងរូបភាព ស្វីតៗ និង ឃ្លាដ៏ផ្អែមរបស់តារាប្រុស New នេះបានធ្វើឱ្យមហាជនអ្នកគាំទ្រនៅមិនសុខរម៉ិករមួលខ្លួនតាម ដល់ថ្នាក់ម្នាក់ៗចូលទៅខមមិន ឡាច ឱ្យបេះដូងគ្រប់ៗគ្នា៕