ម្តាយ Tono អរស្ទើរហោះ ពេលកូនប្រុសសំណព្វ Surprise ការដូដ៏មានតម្លៃមួយនេះ
កន្លងមកប្រិយមិត្តតែងតែបានដឹង និង ស្គាល់រួចមកហើយ តារាសម្ដែងប្រុសរូបសង្ហាលោក Tono ដែលជាតារាមានទេព្យកោសល្យច្រើន មិនថាច្រៀង សម្ដែង និង បង្ហាញម៉ូដ លោកសុទ្ធសឹងត្រូវបានមហាជនក្នុង និង ក្រៅស្រុកលាន់មាត់សរសើរ ជាពិសេសភាពកតញ្ញូរបស់លោកចំពោះគ្រួសារ ព្រោះថាតារារូបនេះស្រឡាញ់ម្ដាយខ្លាំងណាស់ ដោយជារាល់មានកម្មវិធីអ្វីមួយលោក តែងតែនាំម្ដាយទៅចូលរួមមិនសូវខានទេ។
ដោយឡែក នៅថ្ងៃទី ១៤ ខែមករា ឆ្នាំ ២០២១ នេះ តារារូបនេះកំពុងតែធ្វើឱ្យមហាជនខមមិនអួតសរសើរគ្រប់គ្នា បន្ទាប់ពីលោកបានធ្វើរឿងដ៏ភ្ញាក់ផ្អើលមួយជូនទៅម្ដាយរបស់លោក ដោយលោកបាន Surprise ការដូនាឡិការដៃដ៏មានតម្លៃមួយគ្រឿងជូនម្តាយរបស់លោក។
ជាពិសេស បើងាកទៅមើលម្តាយរបស់លោក ក្រោយកូនប្រុសធ្វើរឿងដ៏រំភើបចិត្តនេះដាក់ ពិតញញឹមបិទមាត់មិនជិតឡើយ ព្រមបង្ហោះរូបភាពជាមួយកូនប្រុសសម្លាញ់ចិត្ត ព្រមជាមួយខេបសិនថា ៖ « ម៉ាក់សប្បាយចិត្តណាស់»។ យ៉ាងណាមិញ ក្រោយឃើញរូបភាពមួយនេះហើយ មិនត្រឹមតែម្តាយរបស់លោកទេដែលសប្បាយចិត្ត តែសូម្បីតែមហាជនអ្នកគាំទ្រក៏រំភើបចិត្តជំនួសដែរ៕
ប្រភព៖ khaosod