ដើមឆ្នាំថ្មី ប៉ែន ភ័ក្រ្តសុធារិទ្ធ ចាយលុយរាប់ម៉ឺនដុល្លារទិញរថយន្តទំនើបជូនមនុស្សពិសេសក្នុងថ្ងៃកំណើត

តារាសម្តែងប្រុសរូបសង្ហាលោក ប៉ែន ភ័ក្រ្តសុធារិទ្ធ បច្ចុប្បន្នសង្កេតឃើញថាកំពុងតែក្ដោបបានប្រជាប្រិយភាព និង ទីផ្សារខ្លាំងក្នុងវិស័យខ្សែភាពយន្តខ្មែរ ជាមួយសមត្ថភាព ទេពកោសល្យដ៏ប៉ិនប្រសប់នៃការសម្តែងខ្សែភាពយន្តជាច្រើនជាបន្តបន្ទាប់ ដែលសុទ្ធសឹងតែទទួលបានការគាំទ្រ និង សរសើរខ្លាំងពីទស្សនិកជន។

ដោយឡែក ថ្មីៗនេះ ស្របពេលទទួលបានជោគជ័យលើវិស័យនេះ គេក៏បានឃើញតារាប្រុសរូបនេះ បានបង្ហាញជីវិតឯកជនយ៉ាងហាយសូរ ចំណាយលុយរាប់ម៉ឺនដុល្លារទិញរថយន្តស៊េរីទំនើបម៉ាក Ford ជូនអ្នកមានគុណ គឺលោកឪពុកជាទីគោរពស្រឡាញ់របស់លោកក្នុងថ្ងៃកំណើត ដែលបង្ហាញពីទឹកចិត្តជាកូនប្រុសដ៏កតញ្ញូ។

នេះបើតាមបណ្ដាញសង្គមរបស់ លោក ប៉ែន ភ័ក្រ្តសុធារិទ្ធ បានបង្ហោះរូបភាពស្វាគមន៍រថយន្តថ្មីជាមួយលោកឪពុករបស់លោក និង រៀបរាប់ថា ៖ «Big gift for papa Happy BD my Hero ជូនពរឱ្យប៉ាសុខភាពល្អ អាយុវែង និង ឱ្យប៉ាៗឆាប់ទ្បើងមុខដំណែង Pen Sopheak»។

ទន្ទឹមនឹងនោះដែរ តារាប្រុសរូបនេះ ក៏កំពុងតែទទួលបានការសរសើរជាច្រើនពីមហាជន ក៏ដូចជាអ្នកសិល្បៈ ជាមួយនឹងទឹកចិត្តជាកូនប្រុសដ៏ល្អប្រពៃរបស់លោកផ្ដល់ជូនលោកឪពុកបែបនេះ៕