ភ្ញាក់ផ្អើល! សុខៗ វី ឌីណែត ប្រកាសឈប់ពីវិស័យចម្រៀង ថែមទាំងបញ្ជាក់បែបនេះទៀត

ថ្មីៗនេះ លើបណ្ដាញសង្គមផ្ទុះការភ្ញាក់ផ្អើលជាខ្លាំងពីមហាជន អ្នកគាំទ្រវិស័យចម្រៀង ក្រោយពីសុខៗស្រាប់តែ តារាចម្រៀងវ័យក្មេង និង ជាម្ចាស់ជ័យលាភី I Am A Singer កញ្ញា វី ឌីណែត បានធ្វើការប្រកាសថា នាងកំពុងតែត្រៀមសម្រេចចិត្តឈប់ច្រៀងហើយ។

នេះបើតាមបណ្ដាញសង្គមរបស់តារាចម្រៀងស្រីរូបនេះ បានធ្វើការបង្ហោះ status ពោលពាក្យមួយឃ្លាថា ៖ «តិចទៀតឈប់ច្រៀងហើយ»។ យ៉ាងណានាងមិនបានប្រាប់ឱ្យដឹងពីមូលហេតុនៃការសម្រេចចិត្តចង់ឈប់ពីវិស័យចម្រៀងនោះទេ ដែលធ្វើឱ្យមហាជនកំពុងតែផ្ទុះជាចម្ងល់សួរនាំដល់រូបនាងគ្រប់គ្នា និង បង្ហាញពីអារម្មណ៍សោកស្ដាយជាខ្លាំង ក្រោយពីបានឃើញនាងប្រកាសបែបនេះ។

លើសពីនេះទៅទៀត តារាចម្រៀង វី ឌីណែត ថែមទាំងបង្ហោះសារប្រកាសម្ដងហើយម្ដងទៀតថារូបនាងនឹងឈប់ពិតមែនហើយ ប៉ុន្តែនាងក៏ពុំទាន់ឱ្យដឹងថា ក្រោយពីឈប់ច្រៀង នាងនឹងមានគម្រោងធ្វើអ្វីនៅឡើយ៕