ឃើញ សុវត្ថិ មុនីវណ្ណ ជះមន្នស្នេហ៍នារីចោមរោម ស្រាប់តែ ហេង វិសាល ដាក់ផាំងបែបនេះឡើង

កាលពីថ្មីៗនេះ លើបណ្ដាញសង្គមផ្ទុះការចាប់អារម្មណ៍ចែករំលែកវីដេអូរបស់ក្រុមគ្រួសារកំពូលតារាចម្រៀងប្រុស លោក ព្រាប សុវត្ថិ ខណៈពេលដែលចូលរួមដាំកូនឈើកោងកាង ឃើញថាមានអ្នកគាំទ្រជាច្រើន សម្រុកមកស្វាគមន៍ និង ឱបក្រុមគ្រួសាររបស់លោក ក៏ព្រោះតែក្តីស្រឡាញ់ និង ការគាំទ្រ។

ជាពិសេសក្នុងនោះ ឃើញថាកូនប្រុសច្បងរបស់លោក គឺលោក សុវត្ថិ មុនីវណ្ណ ត្រូវបានអ្នកគាំទ្រនារីៗមិនតិចនោះទេ ភ្លូកទឹកភ្លូកដីរត់ទៅចោមរោមឱប និង ថតរូបជាមួយនៅកណ្ដាលទឹក ដែលធ្វើឱ្យមហាជន ជាពិសេសបុរសៗនាំគ្នាលួចច្រណែនដល់រូបលោកគ្រប់គ្នាផងដែរ។

ជាមួយគ្នានោះដែរ ស្រាប់តែបានឃើញ YouTuber រូបសង្ហាដ៏ល្បីឈ្មោះ លោក ហេង វិសាល ក៏បានធ្វើការស៊ែរវីដេអូបន្ត ថែមទាំងបង្ហាញពីអារម្មណ៍ហាក់មានចិត្តច្រណែនមិនខុសពីបុរសដទៃទៀតដែរ ចំពោះ លោក សុវត្ថិ មុនីវណ្ណ ដែលសម្បូរមន្តស្នេហ៍ឆក់បានក្ដីស្រឡាញ់ពីអ្នកគាំទ្រនារីជាច្រើនបែបនេះ ដោយលោកបាននិយាយថា ៖ «ផែនដីតែមួយ វាសនាខុសគ្នា»។

បន្ទាប់ពីឃើញ លោក ហេង វិ សាល ស៊ែរ និងនិយាយបែបនេះ ធ្វើឱ្យអ្នកគាំទ្រជាច្រើនរបស់លោក មិនបង្អង់យូរ ក៏បាននាំគ្នាចូលខមមិនបង្អាប់លោកភ្លាមថា លោកកំពុងតែច្រណែនហើយ៕