(វីដេអូ) នៅចាំក្មេងប្រុស Nesty ទេ ពេលនេះជីវិតហាយសូរខ្លាំង ហើយមានសង្សារប្រុសសង្ហាកប់
ប្រិយមិត្តខ្លះប្រាកដជាបានស្គាល់មកហើយពីក្មេងប្រុសភេទទី ៣ ជនជាតិថៃម្នាក់ឈ្មោះ Nesty ដោយមកទល់ពេលនេះគេមានអាយុ ១២ ឆ្នាំ ពេញរូបពេញរាងទៅហើយ។ បើនិយាយពីប្រវត្តិក្មេងប្រុសភេទទី ៣ ម្នាក់នេះវិញ ត្រូវបានមហាជនថៃស្គាល់កក្រើកប្រទេស តាំងពីគេមានអាយុ ៤ ឆ្នាំ តាមរយៈវោហារស័ព្ទការឡាយលក់ ក៏ដូចជាការបង្ហាញស្ទីលការផាត់មុខដ៏មានការប៉ិនប្រសប់របស់គេ ព្រមជាមួយពាក្យសម្តីចាក់ទឹកមិនលិច ធ្វើឱ្យមហាជនជាច្រើនចាំមុខមិនភ្លេចរហូតមកទល់ពេលនេះ។
លើសពីនេះទៅទៀតនោះ ក្រោយពេលមានមហាជនស្គាល់ច្រើន មានអ្នកគាំទ្រមក ក្មេងម្នាក់នេះក៏ចាប់ផ្តើមប្រឡូកចូលវិស័យដើរម៉ូដ ក៏ដូចជាការផ្សព្វផ្សាយផលិតផលឱ្យក្រុមហ៊ុនផ្សេងៗមិនតិចនោះទេ។
ម្យ៉ាងវិញទៀត បើងាកមកមើលពីជីវិតឯករបស់ក្មេងប្រុសភេទទី ៣ Nesty ពេលនេះវិញ ជឿជាក់ថាមហាជនឃើញហើយប្រាកដជាមើលភ្លឹកជាក់ជាពុំខាននោះទេ ក្រោយឃើញស្ទីលតុបតែងខ្លួន ក៏ដូចជារូបសម្រស់ដ៏ស្អាតប្លែកស្ទើរតែ ១៨០ ដឺក្រេ របស់គេនៅពេលនេះ។
មួយវិញទៀត អ្វីដែលមហាជនកំពុងតែលួចច្រណែន Nesty និង លាន់មើលស្ទើរតែមិនគ្រលៀសក្រសែភ្នែកនោះគឺ ពេលដែលគេបានបង្ហើបមុខគូស្នេហ៍វ័យក្មេងស្រស់សង្ហារបស់គេនៅលើបណ្តាញសង្គមដោយមិនមានការលាក់បាំងភ្នែករបស់មហាជននោះ ថែមទាំងបង្អួតរូបភាពផ្អែមល្ហែមរបស់គេ និង គូស្នេហ៍រូបសង្ហា ហាក់ធ្វើឱ្យស្រីជ្រួលជ្រើមច្រណែនមិនស្ទើរឡើយនោះ៕
ប្រភព៖ Instagram