កីឡាការិនីតេក្វាន់ដូដ៏ឆ្នើម ស៊ន សៀវម៉ី កំពុងរស់នៅសោយសុខលើគំនរសុភមង្គល បន្ទាប់ពីបានរៀបការជាមួយលោក កែវ ដេវីត និង ទទួលបានតំណក់ឈាមកូនប្រុសម្នាក់ជាចំណងដៃ។
យ៉ាងណាដូចប្រិយមិត្តភាគច្រើនបានជ្រាបហើយថា លោកជំទាវ ស៊ន សៀវម៉ី និង ស្វាមី មិនបានរៀបចំពិធីមង្គលការអធឹកអធមឱ្យសមតាមកិត្តិយសជាលោកជំទាវឡើយ ព្រោះតែកាលៈទេសៈសម័យកូវីដ-១៩ រាតត្បាត។ ដោយឡែកស្រាប់តែនៅថ្ងៃទី ១៣ ខែមករា ឆ្នាំ ២០២២ នេះ លោកជំទាវ ស៊ន សៀវម៉ី និង ស្វាមី បានរៀបចំពិធីឡើងគេហដ្ឋានថ្មីយ៉ាងធំដុំមិនធម្មតានោះទេ។
តួយ៉ាងតាមរយៈវីដេអូខ្លីមួយដែលអ្នកនាង ស៊ន ដាវីន ដែលគេស្គាល់ជាបងស្រីបង្កើតរបស់លោកជំទាវ ស៊ន សៀវម៉ី បានបង្ហោះនៅលើគណនីហ្វេសប៊ុក គេកត់សម្គាល់ឃើញថា កម្មវិធីឡើងវីឡាថ្មីរបស់ម្ចាស់មេដាយមាសរូបនេះ បានរៀបចំតុបតែងយ៉ាងប្រណីត មានទាំងក្រុមអប្សរារាំថ្វាយផ្កាកំដរកម្មវិធីឱ្យកាន់តែហ៊ឹកហ៊ាក់មិនចាញ់ពិធីមង្គលការនោះទេ៕