នុះ! លើកនេះ សេង មង្គល សួរច្បាស់ៗ ស្រឡាញ់ ឬមិនស្រឡាញ់ កុំឱ្យចុងក្រោយជួបរឿងនេះ

មួយរយៈចុងក្រោយនេះ មហាជនអ្នកប្រើប្រាស់បណ្ដាញសង្គមនាំគ្នាផ្ទុះការចាប់អារម្មណ៍ខ្លាំងពីទំនាក់ទំនងរវាងពិធីការិនី ហ៊ិន ចាន់នីរ័ត្ន និង តារាសម្ដែងប្រុស សេង មង្គល ជាពិសេសអ្នកគាំទ្ររបស់តារាប្រុសស្រីមួយគូនេះ ហាក់នាំគ្នាញញឹមពេញចិត្តយ៉ាងខ្លាំងក្រោយឃើញសកម្មភាពកាន់តែស្និទ្ធស្នាលនឹងគ្នាខ្លាំងរបស់អ្នកទាំងពីរ ព្រមទាំងពាក្យផ្អែមល្ហែមដាក់គ្នាជារឿយៗ។

ខណៈមហាជនមិនទាន់បង្វែរក្រសែភ្នែកចេញពីភាពល្អូកល្អិនរបស់ដៃគូតារាសម្ដែងដ៏ស័ក្ដិសមមួយគូនេះផង ស្រាប់តែថ្មីៗនេះ សេង មង្គល បានបង្ហោះសារមួយធ្វើឱ្យអ្នកគាំទ្រចាប់អារម្មណ៍ជាថ្មី ដោយលោកបានរៀបរាប់ថា ៖ «ស្រឡាញ់ ឬមិនស្រឡាញ់សូមនិយាយប្រាប់តាមត្រង់ កុំចុងក្រោយពេលដែលមានអ្នកថ្មីមកប្រាប់ថាគ្រាន់តែអាណិត»។

គ្រាន់តែ សេង មង្គល បង្ហោះសារក្នុងអត្ថន័យស្នេហានេះឡើង ធ្វើឱ្យមហាជនជាច្រើនគិតភ្លាមថា សារនោះទំនងជាលោកចង់សំដៅដល់តារាសម្ដែង ហ៊ិន ច័ន្ទនីរ័ត្ន ហើយមើលទៅ បើទោះបីជាឃ្លាចុងក្រោយ តារាប្រុសរូបនេះបានបញ្ជាក់ថា លោកគ្រាន់តែរៀបរាប់ក្នុងន័យលេងសើចតែប៉ុណ្ណោះក៏ដោយ៕