ទីបំផុត! James Jirayu ចេញមុខនិយាយពីរឿងស្នេហាបែបនេះ ក្រោយបែកធ្លាយរូបស្និទ្ធស្នាល

ស្ងាត់ៗជាង ៤ ឆ្នាំទៅហើយដែល តារាប្រុសមុខស្រទន់ James Jirayu មានទំនាក់ទំនងស្នេហាជាមួយនឹងតារាស្រី Foam។ បើទោះបីជាអ្នកទាំងពីរមិនសូវបង្ហាញរូបភាពផ្អែមល្ហែមជាមួយគ្នាក៏ដោយ តែចំណងស្នេហ៍របស់អ្នកទាំងពីរហាក់បីមិនដែលលេចឮដំណឹងមិនល្អម្តងណាឡើយ។

តែអ្វីដែលមហាជនញញឹមបិតមាត់មិនជិតនោះគឺ កាលពីពេលកន្លងទៅថ្មីនេះ ឃើញថាកំលោះមុខស្រទន់ James Jirayu បានដឹកដៃគូស្នេហ៍ទៅលេងនៅសមុទ្រជុំមិត្តភក្តិយ៉ាងសប្បាយរីករាយផងដែរ ស្និទ្ធស្នាល គួរឱ្យច្រណែន។ ជាមួយគ្នានោះដែរ អ្វីដែលមហាជនចាប់អារម្មណ៍ខ្លាំងនោះគឺ រយៈពេលជាង ៤ ឆ្នាំនៃការចាប់ផ្តើមស្នេហ៍ ទើបតែពេលនេះ ឃើញបុរសសង្ហារូបនេះ បង្ហាញរូបភាពស្និទ្ធស្នាល និង ផ្អែមល្ហែមក្នុងដំណើរកម្សាន្តនៅសមុទ្រ ហើយវាហាក់បីដូចជារូបភាពដ៏កម្រណាស់សម្រាប់គូស្នេហ៍មួយគូនេះ។

ដោយឡែក នៅថ្ងៃទី ២ ខែធ្នូ ឆ្នាំ ២០២១ កន្លងទៅ លោក James Jirayu ក៏បាននិយាយពីទំនាក់ទំនងស្នេហារបស់លោក នៅក្នុងបទសម្ភាសមួយថា ៖ «ចំពោះចំណងស្នេហ៍របស់លោក និង Foam លោកមិនដែលលាក់បាំងភ្នែកអ្នកណានោះទេ តែអាចមកពីគ្រប់គ្នា អាចនឹងមិនដែលឃើញរូបភាពស្និទ្ធស្នាលដូចក្នុងដំណើរកម្សាន្តមួយនេះ ទើបធ្វើឱ្យអ្នកទាំងអស់គ្នាប្លែកអារម្មណ៍ពេលឃើញរូបភាពបែបនេះលេចឡើង ព្រោះសម្រាប់លោកវាជារឿងធម្មតានោះទេ»។

តែទោះជាយ៉ាងណា ចំពោះចំណងស្នេហ៍ជាង ៤ ឆ្នាំរបស់លោក និង គូស្នេហ៍នៅតែទទួលបានការគាំទ្រពីសំណាក់មហាជនជាច្រើន ថែមទាំងម្នាក់ៗទទូចចង់ឱ្យលោក និង គូស្នេហ៍បង្ហាញភាពផ្អែមល្ហែមឱ្យញឹកញាប់ផងដែរ៕

ប្រភព៖ NineEtertain