ផ្ទុះការរិះគន់បែកផ្សែង ក្រោយតួប្រុសរឿង យុទ្ធសាស្ដ្របំបែកក្ដី បណ្តើរស្រីស្អាត Sisley Choi ចូលរួមកម្មវិធីមួយនេះ
យោងតាមការចុះផ្សាយពី KH01 និយាយអំពីពិធីសម្ពោធដ៏ធំលើកទី ៥៥ របស់ TVB បានបញ្ចប់ដោយភាពចម្រូងចម្រាស។ អ្វីដែលគួរឱ្យកត់សម្គាល់បំផុតនោះ គឺស្ថានីយទូរទស្សន៍ហុងកុងមួយនេះ បានរៀបចំឱ្យតារាសម្ដែង Vincent Wong ចាប់គូបណ្ដើរជាមួយនឹងតារាស្រី Sisley Choi ប៉ុន្តែបែរជាឱ្យអ្នកនាង Yoyo Chen ជាភរិយាដើរឯកាតែម្នាក់ឯងលើកម្រាលព្រំក្រហម។
ទោះជាយ៉ាងណា ប៉ុន្មានឆ្នាំមកនេះ Sisley Choi ត្រូវបានគេនិយាយថាបានឈានជើងចូលក្នុងចំណងអាពាហ៍ពិពាហ៍របស់ Vincent Wong និង Yoyo Chen។ ក្នុងឆ្នាំ ២០១៧ តារាសម្តែងប្រុសរូបនេះ ត្រូវបានគេលួចថតរូបនៅផ្ទះរបស់ Sisley មួយយប់។ អ្នកទាំងពីរបានបកស្រាយថា ស្និទ្ធស្នាលត្រឹមមិត្តរួមការងារប៉ុណ្ណោះ។ ហេតុនេះ ទើបទំនាក់ទំនងរវាងអ្នកទាំង ៣ ក្លាយជាទីចាប់អារម្មណ៍ពីមតិសាធារណៈមិនដាច់សោះ។
ទន្ទឹមនឹងនោះ HK01 បាននិយាយថា Vincent Wong បានបង្ហាញយ៉ាងច្បាស់នូវភាពតានតឹង និង ភាពឆ្គាំឆ្គងរបស់គាត់ នៅពេលដែលគាត់បានបង្ហាញខ្លួនជាមួយមិត្តរួមការងាររបស់គាត់។ ខណៈ Sisley Choi ដើរគៀតដៃយ៉ាងមានទំនុកចិត្តជាមួយតារាប្រុសកើតឆ្នាំ ១៩៨៣ នៅចំពោះមុខអ្នកកាសែត។
មិនត្រឹមតែប៉ុណ្ណោះ អ្នកទាំងពីរក៏ត្រូវបានរៀបចំឱ្យឈរនៅចំកណ្តាលពេលថតរូបជាក្រុម ចំណែក Yoyo Chen ឈរនៅជួរទី ៣។ ជាក់ស្តែង ជំនួសឱ្យការផ្តោតលើកម្មវិធី អ្នកយកព័ត៌មានបានផ្តោតសំខាន់ទៅលើតារាទាំង ៣ ជាង។
បើនិយាយនៅលើបណ្តាញសង្គមវិញព័ត៌មានរសើបនេះ មានទស្សនិកជនបានរិះគន់ចំពោះតារារបស់ TVB នៅពេលដែល Vincent Wong បង្ហាញខ្លួនជាមួយតារាស្រីដែលធ្លាប់ព័ត៌មានចចាមអារ៉ាមនឹងគ្នាពីមុន៕
