នៅសុខៗ សាវិន ហ្វីលីព សារភាពត្រង់ៗស្រឡាញ់តារាវ័យក្មេង ២ រូបនេះខ្លាំង រហូតធ្លោយចង់ធ្វើរឿងនេះ

តារាសម្ដែងជើងចាស់ លោក សាវីន ហ្វីលីព ត្រូវបានគេដឹងថា ក្រៅពីអាជីពជាតារាសម្តែង លោកក៏បានបើកផលិតកម្មផ្ទាល់ខ្លួនផងដែរផងដែរ។ ថ្មីៗនេះ តារាប្រុសរូបនេះ បានប្រកាសសារភាពជាសាធារណៈតាមរយៈបណ្ដាញសង្គមហ្វេសប៊ុកថា លោកពិតជាស្រឡាញ់ចូលចិត្តតារាវ័យក្មេងពីររូប គឺតារាសម្ដែង ប្រុសខួច និង សេង រដ្ឋា ពេញបេះដូង។

ក្រៅពីបង្ហាញនូវក្ដីស្រឡាញ់លើតារាប្រុសស្រីវ័យក្មេងខាងលើ ក្នុងនោះលោក សាវិន ហ្វីលីព ថែមទាំងបានលើកឡើងទៀតថា លោកចង់ឱ្យពួកគេទាំងពីរសម្ដែងជាមួយគ្នាក្នុងវីដេអូបែបស្នេហារ៉ូមែនទិក ដែលជារឿងលោកតែងនិពន្ធផ្ទាល់ដៃទៀតផង។

តារាជើងចាស់ សាវិន ហ្វីលីព បានរៀបរាប់ថា ៖ «ខ្ញុំចង់ឱ្យតារាល្បីវ័យក្មេងទាំង ២ នាក់នេះសម្ដែងរួមគ្នាក្នុងវីដេអូបែបស្នេហារ៉ូមែនទិកមួយនៅ Resort លើកំពូលភ្នំមួយ ជារឿងខ្លីដែលខ្ញុំសរសេរផ្ទាល់ដៃ… ខ្ញុំស្រឡាញ់ចូលចិត្តតារាទាំង ២ នាក់នេះពេញបេះដូង»។

យ៉ាងណាមិញ សាវិន ហ្វីលីព ទោះជាបានប្រកាសជាសាធារណៈចង់ហៅតារាប្រុសស្រីវ័យក្មេងទាំងពីរខាងលើមកសម្ដែងរឿងប្រភេទស្នេហាបែបផ្អែមល្ហែមក្តី តែតារាសម្តែងជើងចាស់រូបនេះ មិនបានបញ្ជាក់ពីចំណងជើង ឬ ដំណើរសាច់រឿងយ៉ាងណាខ្លះនោះឡើយ៕