ធ្លាយការពិតហើយ! James ខ្ជិលលាក់បញ្ជាក់ចេញពីមាត់ច្បាស់ៗលើទំនាក់ទំនងជាមួយ Toey

កាលពីពេលកន្លងទៅ តារាប្រុស James Jirayu និង តារាស្រី Toey Jarinporn ត្រូវបានមហាជនមានការសង្ស័យជាខ្លាំងលើអ្នកទាំងពីរថាកំពុងតែមានទំនាក់ទំនងគ្នាលើសពីមិត្តធម្មតា ក្រោយធ្លាយរូបស្និតស្នាលដឹងដៃគ្នាដើរលេងផ្សារទំនើបមួយកន្លែង។

ដោយឡែក ថ្មីៗនេះ តារាប្រុសមុខស្រទន់ James Jirayu ក៏បានចេញមុខទម្លាយពីសម្ពនភាពរបស់លោក និង Toey នៅក្នុងបទសម្ភាសមួយ ក្រោយផ្ទុះការសង្ស័យបានទាក់ទងគ្នាថា ៖ «លោក និង Toey មិនមានទំនាក់ទំនងអ្វីលើសពីមិត្ត និង បងប្អូននោះទេ រូបភាពដែលលោកដើរក្នុងហាងនោះ គឺលោក និង Toey បានហៅគ្នាមកញុំាបាយធម្មតាទេ ដោយមិនមានការលាក់បាំងភ្នែកមហាជនឡើយ លោក និង Toey ប្រៀបបានដូចបងប្អូន ប្រឡែងលេងជាមួយគ្នាវាជារឿងធម្មតា ដូចភាសាបងប្អូនអ៊ីចឹង»។

យ៉ាងណាមិញ បើទោះបីជាលោកចេញមុខបកស្រាយពីទំនាក់ទំនងរបស់លោក និង Toey ថាគ្រាន់តែជាមិត្ត ឬ បងប្អូនក៏ពិតមែន តែសម្រាប់មហាជនអ្នកគាំទ្រនៅតែចង់ឱ្យអ្នកទាំងពីរមានទំនាក់ទំនងគ្នាលើសពីពាក្យថាបងប្អូននេះផងដែរ៕

ប្រភព៖ nineentertain