ក្រោយ មាន សូនីតា ដាក់ចំៗថា សេង មង្គល ជាបែបនេះជាមួយខ្លួន ស្រាប់តែអ្នកគាំទ្រ សេង មង្គល និយាយបែបនេះឱ្យវិញ

កាលពីពេលថ្មីកន្លងទៅនេះ មហាជនអ្នកគាំទ្រតារាសម្តែង និង ពិធីកររូបសង្ហា​ សេង មង្គល កំពុងតែមានការចាប់អារម្មណ៍ខ្លាំង ពីទំនាក់ទំនងស្និទ្ធស្នាលហាក់លើសពីមិត្តរបស់លោក និង ពិធីការិនីកំពូលសម្រស់កញ្ញា​ ហ៊ិន ចាន់នីរ័ត្ន។

លើសពីនោះ ស្របពេលកំពុងលេចឮដំណឹងស្នេហ៍រវាងលោក សេង មង្គល និង កញ្ញា ហ៊ិន ចាន់នីរ័ត្ន នោះ ស្រាប់តែរាជិនីក្រមា កញ្ញា មាន សូនីតា បានបង្ហោះរូបភាពប៉ុន្មានសន្លឹក ពេលចូលរួមកម្មវិធី Mister Cambodia 2021 កន្លងទៅ ដោយភ្ជាប់ពាក្យថា ៖ «ដៃគូចាស់» ដែលបានធ្វើឱ្យមហាជនមួយចំនួនមានចម្ងល់ ពីទំនាក់ទំនងរវាងអតីត Freshie Girl ទាំង ២ រូប តើលោក សេង មង្គល មានទំនាក់ទំនងអ្វីឱ្យច្បាស់ជាមួយកញ្ញា មាន សូនីតា នោះ?

ក្រឡេកទៅមើល fan page របស់ លោក សេង មង្គល ឯនោះវិញ ក្រោយពេលឃើញមានការបង្ហោះបែបនេះ ម្នាក់ៗក៏បានចេញមុខបញ្ជាក់យ៉ាងច្បាស់ពីទំនាក់ទំនងរវាងលោក សេង មង្គល និង កញ្ញា មាន សូនីតា ព្រមទាំងកញ្ញា​ ហ៊ិន ចាន់នីរ័ត្ន ដោយលើកយករូបភាពប៉ុន្មានសន្លឹកយកមកប្រៀបធៀប ព្រមទាំងសរសេរពាក្យយ៉ាងខ្លីថា ៖ «គួរតែយល់ហើយណ៎ ភាពខុសគ្នារវាងបេះដូង និង ដៃគូចាស់?»។ ក្នុងចំណុចនេះដែរ ហាក់ចង់បញ្ជាក់ថា លោក សេង មង្គល មានភាពស្និទ្ធស្នាលជាមួយកញ្ញា​ ហ៊ិន ចាន់នីរ័ត្ន ជាង កញ្ញា​ មាន សូនីតា។

យ៉ាងណាមិញ ពាក់ព័ន្ធនឹងកញ្ញា មាន សូនីតា និង លោក សេង មង្គល ក៏មានមហាជនជាច្រើនបានលើកឡើងហើយថា អ្នកទាំង ២ មិនមានទំនាក់ទំនងអ្វីលើសពីមិត្តនោះឡើយ ហើយពាក្យថា ៖ «ដៃគូចាស់» ដែលរាជិនីក្រមា មាន សូនីតា បាននិយាយនោះ គឺគ្រាន់តែមានន័យក្នុងការងារប៉ុណ្ណោះ ព្រោះកន្លងមកអ្នកទាំងពីរធ្លាប់ធ្វើជាពិធីករ ពិធីការិនីរួមគ្នា និង មានដើមកំណើតនៃការចាប់ផ្តើមលើវិថីសិល្បៈពីក្រោមដំបូលតែមួយ៕