សោកស្ដាយ! តារាកំប្លែងជើងចាស់លោ្ខនបាសាក់ លោកតា ការ៉េ បានទទួលមរណភាពហើយ
ជារឿងដ៏គួរឱ្យសោកស្ដាយ និង ក្រៀមក្រំបំផុត ដែលនៅល្ងាចថ្ងៃទី ១៤ ខែវិច្ឆិកា ឆ្នាំ ២០២១ នេះ មហាជនបានទទួលដំណឹងថា តារាកំប្លែងជើងចាស់ លោកតា ការ៉េ បានទទួលមរណភាពហើយ។
នេះបើតាមបណ្ដាញសង្គមរបស់ អ្នកនាង ផន សុផារី បានបង្ហោះរូបភាព និង សារសរសេររៀបរាប់ថា ៖«បងប្អូនដែលនិយមចូលចិត្តទស្សនាល្ខោនបាសាក់ ភី សុគន្ធី ណាខ្លះស្គាល់លោកតា ការ៉េ? ពេលនេះលោកតាបានទទួលមរណភាពហើយ សែនស្តាយទេពកោសល្យរបស់លោកតា សូមអោយវិញ្ញាណក្ខ័ន្ធរបស់លោកតាបានទៅកាន់សុកតិភពផងចុះ»។
ដំណឹងមរណភាពរបស់តារាកំប្លែងរូបនេះ ពិតជាធ្វើឱ្យមហាជនអ្នកគាំទ្រមានការរន្ធត់ចិត្តជាខ្លាំង ព្រមទាំងបានសម្ដែងនូវការសោកស្ដាយជាពន់ពេក និង ចូលរួមរំលែកទុក្ខដល់ក្រុមគ្រួសាររបស់តារាកំប្លែងរូបនេះផងដែរ៕
