(វីដេអូ) អ្នកគាំទ្រផ្ទុះកំហឹង ក្រោយតារាចម្រៀងរ៉ក Sophia ហៅហ្វេន ឡើងឆាកនោ.មដាក់

រងការរិះគន់យ៉ាងចាស់ដៃ ចំពោះទង្វើមិនគប្បីរបស់សមាជិកក្រុម Brass Against តារាចម្រៀងស្រី Sophia Urista ដែលបានប្រើអាកប្បកិរិយាមិនល្អមិនខ្វល់ពីភ្នែកទស្សនិកជន អំឡុង​ពេល​ធ្វើ​កា​រប្រគំតន្រ្តីលើឆាកដ៏អស្ចារ្យ នៅក្នុង​មហោស្រពតន្ត្រីដ៏​ល្បីល្បាញ ​Rockvile ដែលប្រារព្ធឡើងនៅ ​Daytona Beach រដ្ឋ Florida។

រឿងហេតុនេះគឺបានកើតឡើងនៅថ្ងៃទី ១៣ ខែវិច្ឆិកា ឆ្នាំ ២០២១ បើតាមប្រភពពី The Sun បានរៀបរាប់ឱ្យដឹងថា នៅពេលនោះ តារាចម្រៀង Sophia Urista បានអញ្ជើញអ្នកគាំទ្រស្ម័គ្រ​ចិត្ត​ឡើងមកលើឆាកសម្ដែង។

តាមរយៈវីដេអូឃ្លីបខ្លីបានបែកធ្លាយចែកចាយជាបន្តបន្ទាប់ ឃើញមានអ្នកគាំទ្របុរសម្នាក់បានឡើងលើឆាក ក្រោយ​មកនាងបាន​ឱ្យបុរសម្នាក់នោះ ​ដាក់​ខ្លួន​ដេក​នៅ​ខាងក្រោម​ចន្លោះ​ជើង​របស់​នាង ​​ហើយបានទាញ​ខោក្នុងចេញ រួចឈរនោមដាក់ចំកណ្តាល​មុខអ្នកគាំទ្រ​ម្នាក់នោះពេញ​ទំហឹង។ ​ចំណែកឯបុរសម្នាក់នោះ​បានក្រោកឡើងវិញ ​ដោយគ្មានអារម្មណ៍អ្វីទាំងអស់ ​ក្រៅពីរីករាយ​ទៅ​​តាម​ចង្វាក់​​ភ្លេង​ប្រគំតន្រ្តីទៅវិញ។

ឃើញថាវីដេអូឃ្លីបមួយនោះ បានរីករាលយ៉ាងឆាប់រហ័ស រហូតដល់មានការរិះគន់ដូចទឹកបាក់ទំនប់ពីសំណាក់ទស្សនិកជន និង មនុស្សជាច្រើននៅលើបណ្ដាញសង្គម​ចំពោះទង្វើខុស​ទំនង​នេះ៕

ទស្សនាវីដេអូខាងក្រោមនេះ៖