ធ្លាប់ប៉ះសម្តីគ្នាផ្អើល! ឥឡូវ អៀង ចេនឡា និង ស្រីពីន បែរត្រូវវ៉ូវគ្នា ត្រឡប់ចាប់ដៃគូម្ដងទៀត

ប្រិយមិត្តបានជ្រាបហើយកាលពីមួយរយៈមុនកន្លងទៅ លើបណ្ដាញសង្គមធ្លាប់ផ្ទុះការតតាំងពាក្យសម្ដីរវាង តារាសម្ដែង អៀង ចេនឡា និង តារាកំប្លែង ស្រីពីន ជុំវិញរឿងរ៉ាវអាក់អន់​ចិត្តនឹង​គ្នា​ពេលរួមការងារសិល្បៈជាមួយគ្នានោះ។

ដោយឡែក ក្រោយពីមានបញ្ហានឹងគ្នា មិនបានឃើញរួមការងារជាមួយគ្នាមួយរយៈនោះ ស្រាប់តែថ្មីៗនេះ បានឃើញតារាប្រុសស្រីមួយគូនេះ បានត្រឡប់មករួមការងារជាមួយគ្នាវិញ ថែម​ទាំង​កាន់តែ​មានភាពស្និទ្ធស្នាល​រាប់អានគ្នាផ្អែមល្ហែម​ជាងពីមុន​ទៅទៀត។​

នេះបើតាមបណ្ដាញសង្គមរបស់ តារាប្រុស អៀង ចេនឡា បង្ហោះរូបភាពជាគូជាមួយនឹង ស្រីពីន មើលទៅហាក់ស្និទ្ធគ្នាខ្លាំង ថែមទាំង លោក បានពោលពាក្យបែបនេះទៀតថា ៖ «ពីរនាក់ដៃគូ ស្រឡាញ់ស្ទើរលេប អៀង ចេនឡា vs ពី យ៉ាពីន» ទំនងជាដោះស្រាយរឿងពីមុនរួចរាល់ហើយ៕